കൊച്ചി: ലൈഫ് മിഷന് ഇടപാടുമായി ബന്ധപ്പെട്ട ചോദ്യം ചെയ്യലിനായി സിഇഒ യു.വി ജോസ് കൊച്ചി സിബി ഐ ഓഫിസില് ഹാജരായി. നേരത്തേ ലൈഫ് മിഷനിലെ മുതിര്ന്ന ഉദ്യോഗസ്ഥരായ ബാബുക്കുട്ടന് നായര്, അജയകുമാര് എന്നിവരും സിബിഐയുടെ കൊച്ചി യൂണിറ്റ് ഓഫിസില് എത്തിയിരുന്നു. ഇന്ന് രേഖകളുമായി ചോദ്യം ചെയ്യലിന് ഹാജരാവണമെന്ന് സിബിഐ ആവശ്യപ്പെട്ടിരുന്നു. ഇടപാടുമായി ബന്ധപ്പെട്ട ധാരണാപത്രം ഉള്പ്പെടെ സുപ്രധാന ആറു രേഖകളാണ് സിബിഐ ആവശ്യപ്പെട്ടിരുന്നത്. ലൈഫ് മിഷനും റെഡ് ക്രസന്റും തമ്മിലുണ്ടാക്കിയ ധാരണ കരാര്, പദ്ധതിക്കായി റവന്യു ഭൂമി ലൈഫ് മിഷന് യൂണിടാക്കിന് കൈമാറിയതിന്റെ രേഖകള്, ലൈഫ് പദ്ധതിയില് നിര്മ്മിക്കുന്ന ഫ്ലാറ്റുകള്, ഹെല്ത്ത് സെന്ററുകള് എന്നിവയുമായി ബന്ധപ്പെട്ട ഫയലുകള് തുടങ്ങിയവയാണ് ഇത്.
