കണ്ണൂര്‍: ലൈഫ് മിഷന്‍ പദ്ധതിയില്‍ വന്‍ ഗൂഢാലോചന നടന്നു. ഇത് ഉറപ്പിക്കുന്നതാണ് സരിത്തിന്റെ മൊഴി. പദ്ധതിയെ കുറിച്ച്‌ സന്ദീപിനോട് പറഞ്ഞത് താനാണെന്നും യൂണിടാക്കിനെ പദ്ധതിയിലേക്ക് കൊണ്ടുവന്നത് സന്ദീപാണെന്നും സരിത്ത് വിജിലന്‍സിന് മൊഴി നല്‍കി. ശിവശങ്കറുമായി അടുപ്പമുണ്ടായിരുന്നു. എന്നാല്‍ അതേസമയം ലൈഫ് മിഷനില്‍ ശിവശങ്കറിന്റെ പങ്കിനെ കുറിച്ച്‌ അറിയില്ലെന്നും സരിത്ത് പറഞ്ഞു.
എന്‍ഐഎ കോടതിയില്‍ നിന്ന് അനുമതി ലഭിച്ചതിനെ തുടര്‍ന്നാണ് സരിത്തിനെ പാര്‍പ്പിച്ചിരിക്കുന്ന വിയ്യൂര്‍ ജയിലിലെത്തി വിജിലന്‍സ് സംഘം ചോദ്യം ചെയ്തത്. ലൈഫ് മിഷന്‍ പദ്ധതിയെ കുറിച്ചുള്ള കാര്യങ്ങള്‍ സരിത്ത് വിജിലന്‍സിനോട് വെളിപ്പെടുത്തി.
