തിരുവനന്തപുരം: ലൈഫ് മിഷന്‍ ക്രമക്കേട് അന്വേഷിക്കാന്‍ സിബിഐ എത്തുന്നതിനെതിരെ സമരം ചെയ്യുമെന്ന് ഡിവൈഎഫ്‌ഐ സംസ്ഥാന സെക്രട്ടറി എ.എ റഹീം. കേരള സര്‍ക്കാരിനെ അട്ടിമറിക്കാനുള്ള ശ്രമമാണ് നടക്കുന്നത്. കേന്ദ്ര ഏജന്‍സികളുടെ നീക്കത്തെ ചെറുത്ത് തോല്‍പ്പിക്കുമെന്നും റഹീം പറഞ്ഞു.
സംസ്ഥാന സര്‍ക്കാരിനെ അട്ടിമറിക്കാനുള്ള ആസൂത്രിത ശ്രമമാണ് നടക്കുന്നത്. ഡിവൈഎഫ്‌ഐ ഇതിനെ ചെറുത്തു തോല്‍പ്പിക്കും. കേന്ദ്ര അന്വേഷണ ഏജന്‍സികളുടെ നീക്കത്തിനെതിരെ ഡിവൈഎഫ്‌ഐ സമരവുമായി രംഗത്തിറങ്ങുമെന്നും റഹീം വാര്‍ത്താ സമ്മേളനത്തില്‍ പറഞ്ഞു.
ലൈഫ് മിഷന്‍ എന്നു കേട്ടാല്‍ തന്നെ മുഖ്യമന്ത്രിക്ക് ഹാലിളകുമെന്ന് ബിജെപി സംസ്ഥാന അധ്യക്ഷന്‍ കെ.സുരേന്ദ്രന്‍ പരിഹസിച്ചിരുന്നു. അഴിമതിക്കെതിരെ അന്വേഷണം നടക്കുന്നതില്‍ സിപിഎമ്മിനുള്ള വെപ്രാളം മനസ്സിലാകുന്നില്ലെന്ന് രമേശ് ചെന്നിത്തലയും പ്രതികരിച്ചിരുന്നു.
