കൊല്ലം: കൊട്ടിയത്ത് നിശ്ചയിച്ച വിവാഹത്തില് നിന്ന് വരന് പിന്മാറിയതിനെത്തുടര്ന്ന് റംസിയെന്ന യുവതി ആത്മഹത്യ ചെയ്ത സംഭവത്തില് സ്റ്റേറ്റ് ക്രൈംബ്രാഞ്ച് അന്വേഷണം തുടങ്ങി. അന്വേഷണത്തിന് നേതൃത്വം നല്കുന്ന എസ്.പി കെ.ജി. സൈമണ് യുവതിയുടെ വീട്ടിലെത്തി. ഡിവൈ.എസ്.പി അനില്കുമാറും ഒപ്പമുണ്ടായിരുന്നു.
മാതാപിതാക്കളില് നിന്നും വിവരങ്ങള് ആരായുകയും തെളിവുകള് ശേഖരിക്കുകയും ചെയ്തു. യുവതിയുടെ സര്ട്ടിഫിക്കറ്റുകള്, വിവാഹ നിശ്ചയത്തിന് കൊടുത്ത വാച്ചിന്റെയും പണത്തിന്റെയും വിവരങ്ങളും ചോദിച്ചറിഞ്ഞു.
അന്വേഷണം ജില്ലാ ക്രൈംബ്രാഞ്ചില് നിന്നും സ്റ്റേറ്റ് ക്രൈംബ്രാഞ്ചിലേക്ക് മാറ്റി കഴിഞ്ഞ ദിവസമാണ് സംസ്ഥാന പോലീസ് മേധാവി ഉത്തരവിറക്കിയത്.