മലപ്പുറം : തവനൂര് മണ്ഡലത്തിലെ യുഡിഎഫ് സ്ഥാനാര്ത്ഥി ഫിറോസ് കുന്നംപറമ്പിലിന് വധഭീഷണിയെന്ന് പരാതി. ജയിച്ച് എംഎല്എ ആയാല് കൊല്ലുമെന്നാണ് ശബ്ദ സന്ദേശം.
സംഭവത്തില് തവനൂര് യു ഡി എഫ് നേതൃത്വം മലപ്പുറം ജില്ലാ പോലീസ് മേധാവിക്ക് പരാതി നല്കി. സോഷ്യല് മീഡിയ ആക്റ്റിവിസ്റ്റ് ഹൈദര് മദുറിന് എതിരെയാണ് ഫിറോസ് പരാതി നല്കിയിട്ടുളളത്. വധഭീഷണിയുടെ പശ്ചാത്തലത്തില് ഫിറോസിന് പോലീസ് സംരക്ഷണവും ആവശ്യപ്പെട്ടിട്ടുണ്ട്. മന്ത്രി കെ ടി ജലീലാണ് തവനൂരില് ഫിറോസിന്റെ എതിര് സ്ഥാനാര്ത്ഥി.
