മുംബൈ: മഹാരാഷ്ട്ര മുഖ്യമന്ത്രി ഏക്നാഥ് ഷിന്ഡേയ്ക്ക് വധഭീഷണി. ഇതോടെ ഇദ്ദേഹത്തിന്റെ പോലീസ് സുരക്ഷ വര്ധിപ്പിച്ചു. മുഖ്യമന്ത്രിക്ക് വധഭീഷണിയുണ്ടെന്ന് രഹസ്യാന്വേഷണ വിഭാഗമാണ് മഹാരാഷ്ട്രയിലെ ആഭ്യന്തര വകുപ്പിന് വിവരം കൈമാറിയത്. പോപ്പുലര് ഫ്രണ്ട് നിരോധനത്തിന് പിന്നാലെയാണ് ശിവസേനാ നേതാവ് കൂടിയായ ഷിന്ഡെയെ വധിക്കാന് ചിലര് പദ്ധതിയിടുന്നതായാണ് മുന്നറിയിപ്പ്.
മുഖ്യമന്ത്രിയുടെ മുംബൈയിലെ ഔദ്യോഗിക വസതിക്കും താനെയിലെ സ്വകാര്യ വസതിക്കും സുരക്ഷ ശക്തമാക്കി. രാജ്യത്ത് Z കാറ്റഗറി സുരക്ഷയുള്ള നേതാക്കളില് ഒരാളാണ് ഷിന്ഡെ. അതേസമയം തനിക്ക് ആരെയും ഭയമില്ലെന്നും രാഷ്ട്രീയ ജീവിതം മുന്നോട്ടു കൊണ്ടു പോകുമെന്നും ഷിന്ഡെ പ്രതികരിച്ചു.
