ഡല്ഹി: പ്രതിപക്ഷ പാര്ട്ടികള്ക്കെതിരെ കേന്ദ്ര ഏജന്സികളെ ദുരുപയോഗം ചെയ്യുന്ന ബിജെപിയും വരും ദിവസങ്ങളില് രാഷ്ട്രീയമായി ഇല്ലാതാകുമെന്ന് സമാജ്വാദി പാര്ട്ടി അധ്യക്ഷന് അഖിലേഷ് യാദവ് പറഞ്ഞു. കോണ്ഗ്രസും കേന്ദ്ര ഏജന്സികളെ ദുരുപയോഗം ചെയ്തിട്ടുണ്ടെന്ന് അദ്ദേഹം പറഞ്ഞു. 2024 ലെ ലോക്സഭാ തെരഞ്ഞെടുപ്പില് ജാതി സെന്സസ് വലിയ വിഷയമാകുമെന്ന് യാദവ് പറഞ്ഞു. നേരത്തെ, കോണ്ഗ്രസ് കേന്ദ്ര ഏജന്സികളെ ദുരുപയോഗം ചെയ്യുകയായിരുന്നു. ഇപ്പോള് ബിജെപി അത് തന്നെയാണ് ചെയ്യുന്നത്. കോണ്ഗ്രസ് ഇപ്പോള് അവസാനിച്ചു. ബിജെപിക്കും സമാനമായ വിധി നേരിടേണ്ടിവരുമെന്ന് അദ്ദേഹം പറഞ്ഞു.
രണ്ടാം യുപിഎ ഭരണകാലത്ത് കോണ്ഗ്രസ് ജാതി സെന്സസ് നടത്തുമെന്ന് വാഗ്ദാനം നല്കിയിരുന്നെങ്കിലും പിന്നീട് പിന്വാങ്ങുകയായിരുന്നു. ബിജെപിയുടെ നേതൃത്വത്തിലുള്ള കേന്ദ്രസര്ക്കാര് ജാതി സെന്സസ് നടത്തണമെന്ന് ഞങ്ങള് ആഗ്രഹിക്കുന്നു. നിരവധി നേതാക്കള് ഇത് ആവശ്യപ്പെടുന്നുണ്ട്. എന്നാല് കോണ്ഗ്രസിനെപ്പോലെ കാവി പാര്ട്ടിക്കും ഇത് നടത്താന് താല്പ്പര്യമില്ലെന്ന് യാദവ് പറഞ്ഞു.