തിരുവനന്തപുരം : ഓട്ടോ, ടാക്സി, ലൈറ്റ് മോട്ടോര് തൊഴിലാളികള് ഈ മാസം 30-ന് പണിമുടക്കും. 24 മണിക്കൂറാണ് പണിമുടക്ക്. മോട്ടോര് തൊഴിലാളി സംയുക്ത സമരസമിതിയുടെ നേതൃത്വത്തിലാണ് പണിമുടക്കിന് ആഹ്വാനം നല്കിയിട്ടുള്ളത്. ഓട്ടോ ടാക്സി നിരക്കുകള് പുതുക്കുക, പഴയ വാഹനങ്ങളില് ജി പി എസ്. ഒഴിവാക്കുക, വാഹനം പൊളിക്കല് നിയമം 20 വര്ഷമാക്കി നീട്ടുക, ഇ-ഓട്ടോറിക്ഷകള്ക്ക് പെര്മിറ്റ് നിര്ബന്ധമാക്കുക തുടങ്ങി വിവിധ ആവശ്യങ്ങളുന്നയിച്ചാണ് പണിമുടക്ക്. നടപടി ഉണ്ടായില്ലെങ്കില് ജനുവരിയില് അനിശ്ചിതകാല പണിമുടക്ക് ആരംഭിക്കുമെന്ന് സമരസമിതി കണ്വീനര് കെ എസ് സുനില് കുമാര് അറിയിച്ചു.
