ന്യൂഡല്ഹി : ഇനി മുതൽ ഗൂഗിൾ മീറ്റ് (Google Meet) വഴി നടക്കുന്ന ഔദ്യോഗിക പരിപാടികൾ യൂട്യൂബിൽ (Youtube) ലൈവ് സ്ട്രീം ചെയ്യും. ഇതിന് സഹായിക്കുന്ന പുതിയ ഫീച്ചർ കമ്പനി അവതരിപ്പിച്ചു. അപ്രൂവൽ നടപടികൾ പൂർത്തിയാവാൻ 24 മണിക്കൂറെങ്കിലും എടുക്കും. ഇതിനായി ഗൂഗിൾ മീറ്റ് കോളിനിടെ താഴെയുള്ള ആക്റ്റിവിറ്റീസ് സെക്ഷനിൽ ലൈവ് സ്ട്രീം ഓപ്ഷനുണ്ടാവും. ഇത് തിരഞ്ഞെടുത്ത് ആവശ്യമുള്ള വിവരങ്ങൾ നൽകി സ്ട്രീം ആരംഭിക്കാം. മീറ്റ് എങ്ങനെ ലൈവ് സ്ട്രീം ചെയ്യാം എന്നത് സംബന്ധിച്ച കൂടുതൽ വിവരങ്ങൾ ഗൂഗിളിന്റെ സ്പോർട്ട് പേജിൽ ലഭ്യമാണ്.
മറ്റ് ചില മാറ്റങ്ങളും ഗൂഗിൾ മീറ്റിൽ വന്നിട്ടുണ്ട്. ഗൂഗിൾ മീറ്റും വീഡിയോ കോൾ ആപ്പായ ഡ്യുവോയും ഒന്നിപ്പിക്കുകയാണെന്ന് ഗൂഗിൾ കഴിഞ്ഞമാസം പ്രഖ്യാപിച്ചിരുന്നു. 2021 ജൂണിൽ സ്കൂൾ ബോർഡ് മീറ്റിങ് പോലുള്ളവ യൂട്യൂബിൽ സ്ട്രീം ചെയ്യുന്നതിനുള്ള ഫീച്ചർ ടീച്ചർമാർക്ക് വേണ്ടി അവതരിപ്പിക്കുമെന്ന് ഗൂഗിൾ പ്രഖ്യാപിച്ചിരുന്നു. ബ്രേക്ക് ഔട്ട് റൂം ഫീച്ചറിലെ മാറ്റങ്ങൾ, വീഡിയോ ലോക്ക് ഫീച്ചർ പോലുള്ളവയും അടുത്തിടെ അവതരിപ്പിച്ചിട്ടുണ്ട്. പിക്ചർ ഇൻ പിക്ചർ മോഡ്, ഇമോജി എന്നിവയിലും ചില മാറ്റങ്ങൾ കൊണ്ടുവന്നിട്ടുണ്ട്.