എരുമപ്പെട്ടി: ബൈക്കിന്റെ ചക്രത്തില് പന്നിപ്പടക്കം കെട്ടിവെച്ച് യുവാവിനെ അപായപ്പെടുത്താന് ശ്രമം. ചിറ്റണ്ട പൂങ്ങോട് കൊട്ടരപ്പട്ടില് വീട്ടില് സുനിലിന്റെ ബൈക്കിന്റെ പിന്വശത്തെ ചക്രത്തിലാണ് ഇന്സുലേഷന് ടേപ്പ് ഉപയോഗിച്ച് പന്നിപ്പടക്കം കെട്ടിവെച്ച നിലയില് കണ്ടെത്തിയത്. ബുധനാഴ്ച രാവിലെ പണിക്കു പോകാനായി ബൈക്ക് തള്ളി പുറത്തേക്ക് ഇറക്കുന്നതിനിടയിലാണ് വാഹനത്തിന്റെ ചക്രത്തില് തടസ്സം ഉള്ളതായി അനുഭവപ്പെട്ടത്. തുടര്ന്ന് നോക്കിയപ്പോഴാണ് ചക്രത്തിന്റെ മുകളില് ഇന്സുലേഷന് ഉപയോഗിച്ച് പന്നിപ്പടക്കം ചുറ്റിയത് കണ്ടത്. പൊട്ടാതിരുന്നതിനാല് സുനില് രക്ഷപ്പെട്ടു. തടര്ന്ന് പരാതി നല്കിയതിനെ തുടര്ന്ന് വടക്കാഞ്ചേരി പൊലീസ് സ്ഥലത്തെത്തി പടക്കം നീക്കം ചെയ്തു.
