കോന്നി : തണ്ണിത്തോട്ടിൽ നടത്തിയ പരിശോധനയിൽ കോടയും വാറ്റുപകരണങ്ങളും പിടിച്ചെടുത്തു. കോന്നി എക്സൈസ് റേഞ്ച് അധികൃതരുടെ നേതൃത്വത്തിൽ തണ്ണിത്തോട് വി കെ പാറയിൽ നിന്നാണ് കോടയും വാറ്റുപകരണങ്ങളും കണ്ടെടുത്തത്. സംഭവത്തിൽ രതീഷ് എന്നയാൾക്കെതിരെ കോന്നി എക്സൈസ് അബ്കാരി കേസ് രജിസ്റ്റർ ചെയ്തു.
പ്രതിയെ ഉടൻ പിടികൂടുമെന്നും എക്സൈസ് അറിയിച്ചു. എക്സൈസ് പ്രിവന്റിവ് ഓഫീസർ മുഹമ്മദലി ജിന്നയുടെ നേതൃത്ത്വത്തിൽ നടത്തിയ പരിശോധനയിൽ പ്രിവന്റിവ് ഓഫീസർമാരായ ബിജു ഫിലിപ്പ്, കെ രാജീവ്, സിവിൽ എക്സൈസ് ഓഫീസർമാരായ എച്ച് മഹേഷ്, കെ എസ് അനൂപ്, എ ഷെഹിൻ തുടങ്ങിയവർ പരിശോധനയിൽ പങ്കെടുത്തു.
