പാട്ന: ട്രെയിന് നിര്ത്തിയിട്ട് അസി. ലോക്കോ പൈലറ്റ് മദ്യപിക്കാന് മുങ്ങിയതോടെ വെട്ടിലായത് യാത്രക്കാര്. ഒരു മണിക്കൂറോളം ട്രെയിന് മുടങ്ങിയതില് യാത്രക്കാര് പ്രകോപിതരായി. സമസ്തിപൂരില് നിന്ന് സഹര്സയിലേക്കുള്ള പാസഞ്ചര് ട്രെയിന് ഹസന്പൂര് സ്റ്റേഷനില് രാജധാനി എക്സ്പ്രസ് പോകാനായി കുറച്ചുനേരം നിര്ത്തിയപ്പോഴായിരുന്നു സംഭവം. അസി. ലോക്കോ പൈലറ്റ് കരണ്വീര് യാദവാണ് വെള്ളമടിക്കാന് പോയത്.
സമയമായിട്ടും ട്രെയിന് പോകാത്തപ്പോഴാണ് ഇയാളെ കാണാനില്ലെന്ന് വ്യക്തമായത്. തുടര്ന്ന് നടത്തിയ അന്വേഷണത്തില് സമീപത്തെ മാര്ക്കറ്റിന് അടുത്ത് ഇയാളെ മദ്യപിച്ച് ലക്കുകെട്ട നിലയില് കണ്ടെത്തി. പോലീസ് ഇയാളെ അറസ്റ്റു ചെയ്തു. സംഭവത്തില് റെയില്വേ അന്വേഷണത്തിന് ഉത്തരവിട്ടു.
