പത്തനംതിട്ട : നഗരസഭയിലെ വഴിയോരക്കച്ചവടക്കാർക്കായി ലോക് കല്യാൺ മേള നടത്തി. മുനിസിപ്പൽ ചെയർമാൻ അഡ്വ. ടി സക്കീർ ഹുസൈൻ ഉദ്ഘാടനം ചെയ്തു. പി എം സ്വാനിധി പദ്ധതി പ്രകാരം വഴിയോരക്കച്ചവടക്കാർക്ക് ബാങ്ക് വായ്പ, തപാൽ വകുപ്പുമായി ചേർന്ന് ഡിജിറ്റൽ പണമിടപാട് സാധ്യമാക്കുന്നതിന് ഓൺബോർഡിംഗ് ക്യാമ്പ്, മുമ്പ് വായ്പ ലഭിച്ച കച്ചവടക്കാരുടെയും കുടുംബത്തിൻ്റെയും സാമൂഹിക സാമ്പത്തിക സർവ്വേ, എട്ട് ക്ഷേമ പദ്ധതികളുമായി ബന്ധിപ്പിക്കൽ തുടങ്ങിയവ മേളയുടെ ഭാഗമായി നടന്നു.
ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ജറി അലക്സ് അദ്ധ്യക്ഷത വഹിച്ചു. നഗരസഭാ കൗൺസിലർ ആർ സാബു, എൻ യു എൽ എം സിറ്റി പ്രാെജക്ട് ഓഫീസർ അജി എസ് കുമാർ, കുടുംബശ്രീ മെമ്പർ സെക്രട്ടറി മിനി സന്തോഷ്, എൻ യു എൽ എം സിറ്റി മിഷൻ മാനേജർ സുനിത വി, കമ്മ്യൂണിറ്റി ഓർഗനൈസർ ജയലക്ഷ്മി ടി ടി, സി ഡി എസ് ഉപസമിതി കൺവീനർ സന്ധ്യ, അംഗം ലേഖ, ഇൻഡ്യ പോസ്റ്റ് പേയ്മെന്റ്സ് എക്സിക്യൂട്ടീവുമാരായ അരവിന്ദ്, മേഘ, അഭിരാം തുടങ്ങിയവർ പങ്കെടുത്തു. നഗരസഭ, കുടുംബശീ, എൻ യു എൽ എം എന്നിവയുടെ സംയുക്ത അഭിമുഖ്യത്തിലാണ് മേള നടന്നത്.
