കോട്ടയം: ലോക്സഭാ തിരഞ്ഞെടുപ്പില് കോട്ടയം സീറ്റില് അവകാശവാദമുന്നയിച്ച് കേരള കോണ്ഗ്രസ് ജോസഫ് വിഭാഗം ജില്ലാ അധ്യക്ഷന് സജി മഞ്ഞക്കടമ്പില് രംഗത്ത്. കോട്ടയം സീറ്റില് പരിഗണിക്കാന് പാര്ട്ടിയോട് ആവശ്യപ്പെട്ടുവെന്ന് അദ്ദേഹം പ്രതികരിച്ചു. പരിഗണിക്കുമെന്നാണ് പ്രതീക്ഷിക്കുന്നതെന്നും അദ്ദേഹം വ്യക്തമാക്കി. കോട്ടയത്ത് മത്സരിക്കാന് ആളില്ലാത്ത പാര്ട്ടിയല്ല കേരള കോണ്ഗ്രസ്. നിരവധി നേതാക്കളുണ്ട്. ഫ്രാന്സിസ് ജോര്ജിന് അയോഗ്യതയുണ്ടെന്ന് ഒരിക്കലും കരുതുന്നില്ല.
അദ്ദേഹം കഴിഞ്ഞ തിരഞ്ഞെടുപ്പില് മത്സരിച്ചിരുന്നുവെന്ന് ഓര്മിപ്പിച്ച സജി മഞ്ഞക്കടമ്പില്, കഴിഞ്ഞ തവണ നിയമസഭയിലേക്ക് മത്സരിച്ച ആളുകളെ മാറ്റി നിര്ത്തി മറ്റൊരാളെ പരിഗണിച്ചാല് തനിക്ക് സാധ്യതയുണ്ടെന്ന് പ്രതീക്ഷിക്കുന്നതായും കൂട്ടിച്ചേര്ത്തു.
