തിരുവനന്തപുരം: മുഖ്യമന്ത്രിയും മുന് മന്ത്രിമാരും പ്രതിയായ കേസ് വിധി പ്രഖ്യാപിക്കാന് താമസം ലോകയുക്തയില് പരാതി ഫയല് ചെയ്തു. മുഖ്യമന്ത്രി പിണറായി വിജയനേയും 18 മന്ത്രിമാരേയും പ്രതിയാക്കി ദുരിതാശ്വാസനിധിയുടെ ദുര്വിനിയോഗം സംബന്ധിച്ച് ലോകായുക്തയില് ഫയല് ചെയ്ത പരാതിയില് വാദം പൂര്ത്തിയായിട്ട് ഒരു വര്ഷം പിന്നിട്ടിട്ടും വിധിപ്രഖ്യാപിക്കാത്തതിനാല് മധ്യവേനല് അവധിക്ക് കോടതി അടയ്ക്കുന്നതിനകം വിധി പ്രഖ്യാപിക്കണമെന്ന് ആവശ്യപ്പെട്ടുള്ള പരാതി ലോകയുക്തയില് ഇന്ന് ഫയല് ചെയ്തു.
ലോകയുക്തയ്ക്ക് വിധി പ്രഖ്യാപിക്കാന് നിര്ദ്ദേശം നല്കണമെന്ന് ആവശ്യപ്പെട്ട് കഴിഞ്ഞ ദിവസം ഹൈക്കോടതിയില് ഫയല് ചെയ്ത ഹര്ജ്ജിയില് പ്രാഥമിക വാദം കേട്ട ചീഫ് ജസ്റ്റിസ് എസ്സ്.മണികുമാര് അധ്യക്ഷനായ ബെഞ്ച് ഒരു ഭരണഘടന സ്ഥാപനമായ ലോകയുക്തയ്ക്ക് ഇപ്പോള് നിര്ദ്ദേശം നല്കുന്നത് ഉചിതമല്ലെന്നും ഹര്ജ്ജി ക്കാരന് നേരിട്ട് ലോകയുക്തയ്ക്ക് പരാതി നല്കാവുന്നതാണെന്ന് വാക്കാല് നടത്തിയ നിരീക്ഷണത്തിന്റെ അടിസ്ഥാനത്തിലാണ് ഇന്ന് ലോകയുക്തയില് പരാതി ഫയല് ചെയ്തത്.
തിരുവനന്തപുരം നേമം സ്വദേശിയും കേരള സര്വ്വകലാശാല മുന് സിന്ഡിക്കേറ്റ് അംഗവുമായ ആര്.എസ്. ശശികുമാര്, അഡ്വ പി. സുബൈര് കുഞ്ഞ് മുഖേനയാണ് ഇന്ന് ലോകയുക്തയില് ഹര്ജ്ജി ഫയല് ചെയ്തത്.2022 ഫെബ്രുവരി 5 ന് ലോകയുക്തയില് വാദം ആരംഭിച്ച ഹര്ജിയില് മാര്ച്ച് 18ന് വാദം പൂര്ത്തിയായിരുന്നു. ഹര്ജിയിന്മേലുള്ള വാദത്തിനിടെ ലോകാ യുക്തനിയമം പതിനാലാം വകുപ്പ് ഭേദഗതി ചെയ്തുകൊണ്ട് സര്ക്കാര് ഓര്ഡിനന്സ് പുറപ്പെടുവിച്ചിരുന്നു.
ഓര്ഡിനന്സിന് പകരമുള്ള ബില്ല് നിയമസഭ പാസ്സാക്കിയെങ്കിലും ഗവര്ണര് ഒപ്പ് വയ്ക്കാന് വിസമ്മതിച്ചതോടെ നിലവിലെ ലോകയുക്തയിലെ, പതിനാലാം വകുപ്പ് പുനസ്ഥാപിക്കപ്പെട്ടിരിക്കുകയാണ്. ലോകായുക്ത ജസ്റ്റിസ് സിറിയക് ജോസഫും, ഉപലോകയുക്ത ജസ്റ്റിസ് ഹാറൂണ്- ഉല്-റഷീദും ഉള്പ്പെട്ട ബെഞ്ചാണ് ദുരിതാശ്വാസ നിധിയുടെ ദുരുപയോഗം സംബന്ധിച്ച ഹര്ജ്ജിയില് വാദം കേട്ടത്. ആറുമാസത്തിനുള്ളില് ഹര്ജ്ജിയില് വിധി പറയണമെന്ന് സുപ്രീം കോടതിയുടെ നിരീക്ഷണം ഉണ്ടെങ്കിലും ഒരു വര്ഷം പിന്നിട്ടിട്ടും ഇതേവരെ വിധി പറയുവാന് ലോകായുക്ത തയ്യാറായിട്ടില്ല.
എന്സിപി നേതാവായിരുന്ന പരേതനായ ഉഴവൂര് വിജയന്റെ മക്കളുടെ വിദ്യാഭ്യാസ ചെലവുകള്ക്ക് 25 ലക്ഷം രൂപയും, പരേതനായ ചെങ്ങന്നൂര് എംഎല്എ രാമചന്ദ്രന് നായരുടെ മകന് അസിസ്റ്റന്റ് എന്ജിനീയര് ആയി ജോലിക്ക് പുറമേ ഭാര്യയുടെ സ്വര്ണ്ണ പണയം തിരിച്ചെടുക്കുന്നതിനും കാര് വായ്പ്പക്കുമായി എട്ടര ലക്ഷം രൂപയും സിപിഎം സെക്രട്ടറിയായിരുന്ന പരേതനായ കോടിയേരി ബാലകൃഷ്ണന്റെ പൈലറ്റ് വാഹനം അപകടത്തില്പെട്ട് മരണപ്പെട്ട സിവില് പോലീസ് ഓഫീസറുടെ ഭാര്യയ്ക്ക് സര്ക്കാര് ഉദ്യോഗത്തിനും മറ്റ് ആനു കൂല്യങ്ങള്ക്കും പുറമേ 20 ലക്ഷം രൂപയും ദുരിതാശ്വാസനിധിയില് നിന്ന് യാതൊരു പരിശോധനയും മന്ത്രിസഭ കുറിപ്പും കൂടാതെ നല്കിയത് ദുരിതാശ്വാസ നിധിയുടെ ദുര്വിനി യോഗമാണെന്നും ഈ തുക മന്ത്രിസഭാ യോഗത്തില് പങ്കെടുത്തവരില് നിന്നും ഈടാക്കണമെന്നും ഇവരെ അയോഗ്യരാക്കണമെന്നുമാവശ്യപെട്ടായിരുന്നു 2018 ല് ലോകയുക്തയില് പരാതി നല്കിയത്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
