റാന്നി : ട്രെയിൻഡ് നഴ്സസ് അസോസിയേഷൻ ഓഫ് ഇന്ത്യ (ടി.എൻ എ ഐ ) ഡൽഹി സംസ്ഥാന ഘടകത്തിന്റെ നഴ്സസ് എക്സലൻഡ് പുരസ്കാരത്തിന് അർഹരായ രണ്ടു മലയാളികളിൽ റാന്നി നാറാണംമൂഴി സ്വദേശിനി ലഫ്.കേണൽ പി.എസ് സിന്ധുവും. അത്തിക്കയം കൊച്ചുകുളം സ്വദേശിനിയാണ് സിന്ധു. നാറാണംമൂഴിക്കും മലയോര ഗ്രാമമായ കൊച്ചുകുളത്തിനും ഇത് അഭിമാന വേളയാണ്.
കൊച്ചുകുളം പാലക്കാ പറമ്പിൽ പരേതനായ ശശിയുടെയും വിമലമ്മയുടെയും മകളാണ്. രാജ്യാന്തര നഴ്സസ് ദിനത്തിന്റെ ഭാഗമായുള്ള പുരസ്കാരങ്ങൾക്കാണ് ലഫ്.കേണൽ പി.എസ് സിന്ധു ( നഴ്സിംഗ് ഓഫീസർ മിലിട്ടറി ഹോസ്പിറ്റൽ ) അർഹയായത്. പി. അജോ ജോസ് (നഴ്സിംഗ് ഓഫീസർ ആർ.എം.എൽ ആശുപത്രി) യാണ് പുരസ്കാരത്തിന് അർഹനായ മറ്റൊരു മലയാളി. ടി എൻ എ ഐ ദേശീയ പ്രസിഡന്റ് ഡോ. റോയ് കെ ജോർജിൽ നിന്നും സിന്ധു പുരസ്കാരം ഏറ്റുവാങ്ങി.