തിരുവനന്തപുരം: അപൂർവ ഭാഗിക സൂര്യഗ്രഹണത്തിന് ആഴ്ചകൾ പിന്നിടുമ്പഴേക്കും മറ്റൊരു ആകാശ വിസ്മയം കൂടി നമുക്ക് മുൻപിലേക്ക് എത്തുന്നു. എന്നാൽ കഴിഞ്ഞ തവണ സൂര്യനെ ഭാഗികമായി മറച്ച് താരമായ ചന്ദ്രൻ ഇക്കുറി നേരിട്ട് കളത്തിൽ ഇറങ്ങുന്നില്ല എന്നതാണ് വ്യത്യാസം. ഇത്തവണ ഊഴം ഭൂമിയുടേതാണ്. ചന്ദ്രനും സൂര്യനും ഇടയിൽ വലിയൊരു തടസമായി ഭൂമി എത്തുമ്പോൾ സമ്പൂർണ്ണ ചന്ദ്ര ഗ്രഹണമെന്ന് പ്രതിഭാസത്തിനാണ് സൗരയൂഥം സാക്ഷ്യം വഹിക്കാൻ ഒരുങ്ങുന്നത്.
സൂര്യഗ്രഹണം ആകാശത്തെ അമ്പരപ്പിച്ചതിന് തൊട്ടുപിന്നാലെ സംഭവിക്കുന്ന മറ്റൊരു ആകാശ പ്രതിഭാസമാണിത്. പൂർണ ചന്ദ്രഗ്രഹണം പൂർണ്ണചന്ദ്രനിൽ സംഭവിക്കുന്നു, ഇത് സൂര്യൻ, ചന്ദ്രൻ, ഭൂമി എന്നിവയുടെ നേർരേഖ വിന്യാസത്താൽ അടയാളപ്പെടുത്തുന്നു. ഈ പ്രതിഭാസം syzygy എന്നറിയപ്പെടുന്നു. ഗ്രീക്കിൽ ഇതിനർത്ഥം ജോടിയാക്കിയത് എന്നാണ്.
എന്താണ് സമ്പൂർണ ചന്ദ്രഗ്രഹണം ?
ചന്ദ്രൻ ഭൂമിയുടെ നിഴലിലേക്ക് കടക്കുന്ന തരത്തിൽ സൂര്യൻ, ഭൂമി, ചന്ദ്രൻ എന്നിവ വിന്യസിക്കുമ്പോഴാണ് ചന്ദ്രഗ്രഹണം സംഭവിക്കുന്നത്. സമ്പൂർണ്ണ ചന്ദ്രഗ്രഹണത്തിൽ മുഴുവൻ ചന്ദ്രനും ഭൂമിയുടെ നിഴലിന്റെ ഇരുണ്ട ഭാഗത്താണ് വീഴുന്നത്, അതിനെ അംബ്ര എന്ന് വിളിക്കുന്നു. ഈ ഗ്രഹണത്തിൽ ചന്ദ്രന്റെ ഡിസ്കിന്റെ ഏകദേശം 99.1 ശതമാനം ഭൂമിയുടെ കുടയ്ക്കുള്ളിലായിരിക്കും.
സമ്പൂർണ ചന്ദ്രഗ്രഹണം ചന്ദ്രനെ രക്ത-ചുവപ്പ് രൂപത്തിലാക്കും അതിനാൽ അതിനെ ബ്ലഡ് മൂൺ എന്ന് വിളിക്കുന്നു. ചന്ദ്രനിലെത്തുന്ന സൂര്യപ്രകാശം മാത്രമേ ഭൂമിയുടെ അന്തരീക്ഷത്തിലൂടെ കടന്നുപോകുന്നുള്ളൂ എന്നതിനാൽ, പൊടിയോ മേഘങ്ങളോ ഗ്രഹണ സമയത്ത് ചന്ദ്രന് ചുവപ്പ് കലർന്ന രൂപം നൽകുന്നുവെന്ന് നാസ വിശദീകരിക്കുന്നു. പ്രകാശം തരംഗങ്ങളിലൂടെ സഞ്ചരിക്കുമ്പോൾ പ്രകാശത്തിന് വ്യത്യസ്ത നിറങ്ങൾ, ഭൗതിക ഗുണങ്ങളാണുള്ളത്. നമ്മുടെ ആകാശത്തെ നീലനിറമാക്കുന്നതും ഇതേ പ്രതിഭാസമാണ്. ഗ്രഹണം ഭൂമിയിലും നിഴൽ വീഴ്ത്തും.
എന്തുകൊണ്ടാണ് ഈ സമ്പൂർണ ചന്ദ്രഗ്രഹണം വ്യത്യസ്തമാവുന്നത് ?
നവംബർ 7ലെ ചന്ദ്രഗ്രഹണം ഏറെ പ്രത്യേകതകളുള്ളതാണ്. കാരണം ഇത് ഇനി 2025 വരെ ആവർത്തിക്കില്ല. അടുത്ത സമ്പൂർണ്ണ ചന്ദ്രഗ്രഹണം 2025 സെപ്റ്റംബർ 7ന് മാത്രമേ സംഭവിക്കൂ. യൂറോപ്പ്, ഏഷ്യ, ഓസ്ട്രേലിയ, ആഫ്രിക്ക, വടക്കേ അമേരിക്ക, തെക്കേ അമേരിക്കയുടെ കിഴക്ക്, പസഫിക്, അറ്റ്ലാന്റിക്, ഇന്ത്യൻ മഹാസമുദ്രം, ആർട്ടിക്, അന്റാർട്ടിക്ക എന്നിവിടങ്ങളിൽ 2025ലെ ഗ്രഹണം ദൃശ്യമാകും.
പൂർണ്ണ ചന്ദ്രഗ്രഹണം എവിടെയൊക്കെ ദൃശ്യമാകും ?
വടക്ക്/കിഴക്കൻ യൂറോപ്പ്, ഏഷ്യ, ഓസ്ട്രേലിയ, വടക്കേ അമേരിക്ക, തെക്കേ അമേരിക്കയുടെ ഭൂരിഭാഗം, പസഫിക്, അറ്റ്ലാന്റിക്, ഇന്ത്യൻ മഹാസമുദ്രം, ആർട്ടിക്, അന്റാർട്ടിക്ക എന്നിവയുൾപ്പെടെ ലോകത്തിന്റെ പല ഭാഗങ്ങളിലും ഗ്രഹണം ദൃശ്യമാകും. ഇന്ത്യയിൽ ഗ്രഹണം പൂർണമായും ദൃശ്യമാകില്ല എന്നാണ് അറിയിച്ചിട്ടുള്ളത്. എന്നാൽ ഒരു ചെറിയ ഭാഗം മാത്രം ഇന്ത്യയിലെ ചില പ്രദേശങ്ങളിൽ ദൃശ്യമാകാൻ സാധ്യതയുണ്ടെന്നാണ് റിപ്പോർട്ടുകൾ.
