ഭോപ്പാല്: മധ്യപ്രദേശില് തെരഞ്ഞെടുപ്പ് വാഗ്ദാനവുമായി കോണ്ഗ്രസ്. അധികാരത്തിലെത്തിയാല് 500 രൂപക്ക് എല്പിജി സിലിണ്ടറും 100 യൂണിറ്റ് സൗജന്യ വൈദ്യുതിയും നല്കുമെന്ന് പ്രിയങ്ക ഗാന്ധി. നിയമസഭാ തെരഞ്ഞെടുപ്പിന് മുന്നോടിയായി സംഘടിപ്പിച്ച റാലിയെ അഭിസംബോധന ചെയ്തു സംസാരിക്കുകയായിരുന്നു പ്രിയങ്ക. നര്മ്മദ നദീ പൂജയോടെയാണ് പ്രിയങ്ക ഗാന്ധി പ്രചാരണം തുടങ്ങിയത്.
ഗോത്രവിഭാഗങ്ങള്ക്ക് മേല്ക്കൈയുള്ള ജബല്പൂരിലെ മഹാകുശാല് മേഖലയിലാണ് പ്രിയങ്കയുടെ പ്രചാരണ റാലി. കഴിഞ്ഞ തെരഞ്ഞെടുപ്പില് ഈ മേഖലയില് 13ല് 11 സീറ്റുകള് കോണ്ഗ്രസ് നേടിയിരുന്നു. 150 സീറ്റ് പിടിക്കുമെന്ന ആത്മവിശ്വാസമാണ് രാഹുല് ഗാന്ധിയടക്കം പങ്കുവയ്ക്കുന്നത്. റേഷന് വിതരണത്തില് അഴിമതിയുണ്ടെന്ന് ആരോപിച്ച പ്രിയങ്ക 220 മാസത്തെ ബി.ജെ.പി ഭരണത്തില് സംസ്ഥാനത്ത് 225 അഴിമതികള് നടന്നിട്ടുണ്ടെന്നും പറഞ്ഞു.
