മലപ്പുറം : നിലമ്പൂര് എറഞ്ഞിമങ്ങാട്ട് മദ്രസ വിദ്യാർത്ഥിനിയെ അധ്യാപകന് ക്രൂരമായി മര്ദ്ദിച്ചു. എട്ടുവയസുകാരിയുടെ കാലിൽ നിരവധി അടിയേറ്റ പാടുകളാണുള്ളത്. മദ്രസ അധ്യാപകൻ റഫീക്കിനെതിരെ കേസെടുത്തു. ഇന്നലെയാണ് സംഭവം ഉണ്ടായത്. പാഠഭാഗം മനപാഠമാക്കാത്തതാണ് അധ്യാപകനെ പ്രകോപിതനാക്കിയത്. ഉടുപ്പിന് മുകളിലൂടെയും ഉടുപ്പ് പൊന്തിച്ചും അധ്യാപകന് അടിച്ചെന്ന് വിദ്യാര്ത്ഥിനി പറഞ്ഞു.
അധ്യാപകന് മര്ദ്ദിച്ച കാര്യം കുട്ടി വീട്ടുകാരെ അറിയിച്ചെങ്കിലും നാട്ടുകാര് ഇടപെട്ട് പരാതി കൊടുക്കുന്നതില് നിന്ന് വീട്ടുകാരെ വിലക്കുകയായിരുന്നു. എന്നാല് സംഭവം അറിഞ്ഞ പ്രദേശത്തെ ചില സാമൂഹ്യപ്രവര്ത്തകര് വിവരം ചൈല്ഡ് ലൈനെ അറിയിക്കുകയായിരുന്നു. ഇതിന് പിന്നാലെ അധ്യാപകന് എതിരെ നിലമ്പൂര് പോലീസ് സ്വമേധയാ കേസെടുത്തു. കുട്ടിയുടെ മാതാപിതാക്കളില് നിന്ന് പോലീസ് മൊഴിയെടുത്തിട്ടുണ്ട്.
