മുംബൈ: കോവിഡ് ഏറ്റവും കൂടുതല് ബാധിച്ച മഹാരാഷ്ട്രയില് സംസ്ഥാനത്തൊട്ടാകെ 1043 തടവുകാര്ക്കും 302 ജയില് അധികൃതര്ക്കും രോഗബാധ. ആറ് തടവുകാര് മരിച്ചതായും 818 പേര് രോഗമുക്തി നേടിയതായും ജയില് വകുപ്പ് അറിയിച്ചു. 271 ജയില് ജീവനക്കാരും രോഗമുക്തി നേടി.
10,480 തടവുകാരെയാണ് കോവിഡ് സാഹചര്യം മുന്നിര്ത്തി പരോളിലും ജാമ്യത്തിലുമായി വിട്ടത്. തടവുകാര് തിങ്ങിക്കഴിയുന്ന ജയിലുകളില് ആളുകളുടെ എണ്ണം കുറയ്ക്കാനായാണിത്. തടവുകാരെ പുറത്തിറക്കുന്നതുമായി ബന്ധപ്പെട്ട് ഉന്നതാധികാര സമിതിക്ക് രൂപം നല്കിയിരുന്നു.
തിങ്കളാഴ്ച മഹാരാഷ്ട്രയില് 8493 പേര്ക്കാണ് പുതുതായി കോവിഡ് സ്ഥിരീകരിച്ചത്. 228 പേര് മരിക്കുകയും ചെയ്തു. ഇതോടെ ആകെ രോഗികളുടെ എണ്ണം 6,04,358 ആയി. ആകെ 20,265 പേരാണ് മഹാരാഷ്ട്രയില് മാത്രം മരിച്ചത്.
