മുംബൈ: 12 വയസ്സുള്ള സ്കൂള് വിദ്യാര്ഥിനിയെ തുടര്ച്ചയായി ബലാത്സംഗം ചെയ്ത സംഭവത്തില് ഗണിത അധ്യാപകന് അറസ്റ്റില്. മഹാരാഷ്ട്രയിലെ നാഗ്പൂരിലാണ് ആറാം ക്ലാസ് വിദ്യാര്ഥിനിയെ 57കാരനായ അധ്യാപകന് ബലാത്സംഗത്തിന് ഇരയാക്കിയത്. 57 കാരനായ പ്രതി കഴിഞ്ഞ മൂന്ന് മാസത്തിനിടെ പ്രായപൂര്ത്തിയാകാത്ത കുട്ടിയെ ലൈംഗികമായി നിരവധി തവണം പീഡിപ്പിച്ചുവെന്ന് പരാതിയില് പറയുന്നു. പെണ്കുട്ടിയുടെ അമ്മയുടെ പരാതിയില് പ്രതിക്കെതിരെ പോക്സോ ഉള്പ്പടെയുള്ള വിവിധ വകുപ്പുകള് പ്രകാരം കേസ് എടുത്തതായി പോലീസ് അറിയിച്ചു.
വിവാഹം കഴിക്കാമെന്ന് പറഞ്ഞ് കഴിഞ്ഞ ഡിസംബര് മുതല് പലതവണ അധ്യാപകന് കുട്ടിയെ പീഡിപ്പിച്ചു. കഴിഞ്ഞ ദിവസങ്ങളില് പെണ്കുട്ടിക്ക് കടുത്ത വയറുവേദന അനുഭവപ്പെട്ടതിനെ തുടര്ന്ന് അമ്മ കാര്യങ്ങള് തിരക്കിയപ്പോഴാണ് വിവരം പുറത്തറിഞ്ഞത്. പരീക്ഷ കഴിഞ്ഞ് ഏപ്രില് അഞ്ചാം തീയതി സ്കൂളിലെ സയന്സ് ലാബില് കൊണ്ടുപോയി അധ്യാപകന് ലൈംഗികമായി പീഡിപ്പിച്ചതായി പെണ്കുട്ടി അമ്മയോട് പറഞ്ഞു.ലൈംഗിക ബന്ധം ആരോടും പറയരുതെന്നും പറഞ്ഞാല് കൊല്ലുമെന്ന് അധ്യാപകന് ഭീഷണിപ്പെടുത്തിയതായും പെണ്കുട്ടി പറഞ്ഞു.
