തിരുവനന്തപുരം : സംസ്ഥാനത്ത് ഞായറാഴ്ച ലോക്ഡൗണ് പിന്വലിക്കാന് ഉന്നതതല യോഗത്തില് തീരുമാനം. രാത്രി 10 മുതല് രാവിലെ 6 വരെയുള്ള രാത്രി കര്ഫ്യൂവും പിന്വലിച്ചു. കൂടുതല് വിശദമായ വിവരങ്ങള് വാര്ത്താ സമ്മേളനത്തില് മുഖ്യമന്ത്രി അറിയിക്കും. ഞായറാഴ്ച ലോക്ഡൗണ് നടപ്പിലാക്കുന്നതിനെതിരെ വിമര്ശനം ഉയര്ന്നിരുന്നു. ശനിയാഴ്ച തിരക്കു കൂട്ടാന് മാത്രമേ നടപടി ഉപകരിക്കൂ എന്നായിരുന്നു പ്രതിപക്ഷ വിമര്ശനം. ഹോട്ടലുകളില് ഇരുന്നു ഭക്ഷണം കഴിക്കാന് അനുമതി നല്കുന്ന കാര്യത്തില് തീരുമാനമായിട്ടില്ല.
