പത്തനംതിട്ട : മാക്കാംകുന്ന് സെന്റ് സ്റ്റീഫൻസ് ഓർത്തഡോൿസ് കത്തീഡ്രലിൽ യുവജന പ്രസ്ഥാനത്തിന്റെ നേതൃത്വത്തിൽ മലങ്കര ഓർത്തഡോൿസ് സഭ തുമ്പമൺ ഭദ്രാസന മെത്രാപ്പോലീത്തയും കാതോലിക്കേറ്റ് കോളേജ് ബോട്ടണിവിഭാഗം റിട്ട. പ്രഫസറുമായ അഭിവന്ദ്യ കുറിയാക്കോസ് മാർ ക്ലിമ്മിസ് തിരുമേനി വിശുദ്ധ കുർബാനയ്ക്ക് ശേഷം കുരുന്നുകളെ ആദ്യ അക്ഷരം കുറിപ്പിച്ചു. ഇടവക വികാരി ഫാ. ഗബ്രിയേൽ ജോസഫ്, സഹ വികാരി ഫാ. കോശി വർഗീസ് ഫാ. ജേക്കബ് കല്ലിചേത്ത് ഇടവക സെക്രട്ടറി ഷിജു തോമസ് യുവജനപ്രസ്ഥാനം വൈസ് പ്രസിഡന്റ് ജോബിൻ വർഗീസ് മുളക്കൽ. സെക്രട്ടറി ഷെബിൻ ബിജു ട്രഷറർ നിതിൻ റ്റി രാജൻ എന്നിവർ നേതൃത്വം നൽകി. 20ൽ പരം കുരുന്നുകൾ ആദ്യാക്ഷരം കുറിക്കാൻ കത്തീഡ്രലിൽ എത്തി.
