കോന്നി : കുട്ടികൾക്കെതിരെയുള്ള ലൈംഗിക അതിക്രമങ്ങൾ തടയുന്നതിനായി കേരള പോലീസിന്റെ നേതൃത്വത്തിൽ ആരംഭിച്ച മാലാഖ എന്ന പദ്ധതിയുടെ ഭാഗമായി കോന്നി ജനമൈത്രി പോലീസിന്റെയും റിപ്പബ്ലിക്കൻ വൊക്കേഷണൽ ഹയർ സെക്കന്ററി സ്കൂളിന്റെയും സംയുക്താഭിമുഖ്യത്തിൽ നിയമ ബോധവത്കരണ ക്ലാസും റാലിയും നടത്തി. കോന്നി പോലീസ് സർക്കിൾ ഇന്‍സ്പെക്ടര്‍ എസ് അഷാദ് ഉത്ഘാടനം ചെയ്തു. കോന്നി ജനമൈത്രി ബീറ്റ് ഓഫീസർമാരായ സുബീക്ക്, ജയശ്രീ, അദ്ധ്യാപകരായ സന്തോഷ്‌ കുമാർ, സുരേഷ് കുമാർ, മാത്യൂസൺ പി തോമസ്, എ ദീപുകുമാർ തുടങ്ങിയവർ പരിപാടിക്ക് നേതൃത്വം നൽകി.
