കോന്നി കല്ലേലി കാവില്‍ മലക്കൊടി ദര്‍ശനം

പത്തനംതിട്ട : കോന്നി കല്ലേലി കാവില്‍ ധനു ഒന്ന് മുതല്‍ പത്ത് വരെ 999 മലക്കൊടി ദര്‍ശനം. കിഴക്ക് ഉദിമലയേയും പടിഞ്ഞാറ് തിരുവാര്‍ കടലിനെയും സാക്ഷി വെച്ച്‌ അച്ചന്‍ കോവിലിനെയും ശബരിമലയെയും ഉണര്‍ത്തിച്ച്‌ കൊണ്ട് കോന്നി കല്ലേലി ഊരാളി അപ്പൂപ്പന്‍ കാവില്‍ (മൂലസ്ഥാനം ) ധനു മാസം ഒന്ന് മുതല്‍ പത്ത് വരെ 999 മലകളുടെ മലക്കൊടി ദര്‍ശനം നടക്കും. ധനു ഒന്നിന് രാവിലെ 5 മണിയ്ക്ക് മല ഉണര്‍ത്തല്‍, കാവ്‌ ഉണര്‍ത്തല്‍, താംബൂല സമര്‍പ്പണം, തുടര്‍ന്ന് കരിക്ക് പടേനിയോടെ മലക്കൊടി എഴുന്നള്ളിച്ച്‌ പ്രത്യേക പീഠത്തില്‍ ഇരുത്തും. ധനു പത്ത് വരെ മലക്കൊടിയ്ക്ക് മുന്നില്‍ നാണയപ്പറ, മഞ്ഞള്‍ പറ, നെല്‍പ്പറ എന്നിവ ഭക്തജനതയ്ക്ക് സമര്‍പ്പിക്കാം എന്ന് കാവ് പ്രസിഡന്റ് അഡ്വ സി വി ശാന്തകുമാര്‍ അറിയിച്ചു