മലപ്പുറം: സ്വന്തം ഭാര്യയുടെ സഹായത്തോടെ പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച 26കാരന് ജാമ്യമില്ല. പ്രതിയുടെ ഭാര്യയും പരാതിക്കാരിയുടെ കൂട്ടുകാരിയുമായ യുവതി കേസിലെ രണ്ടാം പ്രതി. പ്രതി മുജീബ്റഹ്മാന് റിമാന്ഡില് കഴിയുന്നത് കോവിഡ് ഫസ്റ്റ്ലെവല് ട്രീറ്റ്മെന്റ് സെന്ററിലാണ്.
പയ്യനാട് കോവിഡ് ഫസ്റ്റ്ലെവല് ട്രീറ്റ്മെന്റ് സെന്ററില് റിമാന്റില് കഴിയുന്ന യുവാവിന്റെ ജാമ്യാപേക്ഷ മഞ്ചേരി പോക്സോ സ്പെഷ്യല് കോടതിയാണ് തള്ളിയത്. മലപ്പുറം കോട്ടക്കല് ഇന്ത്യനൂര് വില്ലൂര് പള്ളിത്തൊടി മുജീബ് റഹ്മാന് (26)ന്റെ ജാമ്യാപേക്ഷയാണ് തള്ളിയത്. പ്രതിയുടെ ഭാര്യയും പരാതിക്കാരിയുടെ കൂട്ടുകാരിയുമായ യുവതി കേസില് രണ്ടാം പ്രതിയാണ്. 2020 മാര്ച്ചില് രണ്ടാം പ്രതിയുടെ മോഴക്കല്ലിലെ വീട്ടിലാണ് കേസിന്നാസ്പദമായ സംഭവം. പെണ്കുട്ടിയുടെ പരാതിയുടെ അടിസ്ഥാനത്തില് കോട്ടക്കല് പോലീസ് അറസ്റ്റ് ചെയ്ത പ്രതിയെ കോടതി ഡിസംബര് 16 വരെ റിമാന്റ് ചെയ്തു.
