പത്തനംതിട്ട : ജനകീയ പ്രശ്നങ്ങള് ഏറ്റെടുത്ത് ജനങ്ങളോടൊപ്പം നിന്ന് പ്രവര്ത്തിച്ച നേതാക്കളായിരുന്നു ഡി.സി.സി ജനറല് സെക്രട്ടറിയായിരുന്ന മലയാലപ്പുഴ ഗോപാലകൃഷ്ണനും ബ്ലോക്ക് കോണ്ഗ്രസ് ജനറല് സെക്രട്ടറിയും ഗ്രാമപഞ്ചായത്ത് അംഗവുമായിരുന്ന ബിജു കിള്ളത്തുമെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. കോണ്ഗ്രസ് നേതാക്കളായിരുന്ന മലയാലപ്പുഴ ഗോപാലകൃഷ്ണന്, ബിജു കിള്ളത്ത് എന്നിവരുടെ ചരമവാര്ഷിക ദിനാചരണ പരിപാടികള് മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തില് മലയാലപ്പുഴയില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇന്ത്യന് നാഷണല് കോണ്ഗ്രസ് പ്രസ്ഥാനത്തെ ജീവവായുപോലെ സ്നേഹിച്ച് പ്രവര്ത്തനം നടത്തിയ രണ്ടു നേതാക്കളും പാര്ട്ടിയെ ശക്തിപ്പെടുത്തുന്നതില് നിര്ണായക പങ്ക് വഹിച്ചവരായിരുന്നെന്നും ഇവരുടെ പ്രവര്ത്തനങ്ങള് എന്നും സ്മരിക്കപ്പെടുമെന്നും ഡി.സി.സി പ്രസിഡന്റ് പറഞ്ഞു. മണ്ഡലം പ്രസിഡന്റ് ദിലീപ് കുമാര് പൊതിപ്പാട് അദ്ധ്യക്ഷത വഹിച്ചു. ഡി.സി.സി വൈസ് പ്രസിഡന്റ് വെട്ടൂര് ജ്യോതിപ്രസാദ്, സംഘടനാകാര്യ ജനറല് സെക്രട്ടറി സാമുവല് കിഴക്കുപുറം, ജനറല് സെക്രട്ടറിമാരായ എം.വി. ഫിലിപ്പ്, എലിസബത്ത് അബു, എസ്.വി. പ്രസന്നകുമാര്, ഡി.സി.സി അംഗങ്ങളായ യോഹന്നാന് ശങ്കരത്തില്, ജെയിംസ് കരിക്കാട്ട്, നേതാക്കളായ സി.കെ. അര്ജുന്, സണ്ണി കണ്ണമണ്ണില്, അനില് വാഴുവേലില്, പ്രമോദ് താന്നിമൂട്ടില്, ശശിധരന്നായര് പാറയരുകില്, വി.സി ഗോപിനാഥ പിള്ള, ബിജിലാല് ആലനില്ക്കുന്നതില്, മീരാന് വടക്കുപുറം, ബെന്നി ഈട്ടിമൂട്ടില്, സിനിലാല് ആലുനില്ക്കുന്നതില്, ബിജുമോന് പുതുക്കുളം, മോളി തോമസ്, ബിന്ദു ജോര്ജ്, എലിസബത്ത് രാജു, ആശാ കുമാരി, മധുമല ഗോപാലകൃഷ്ണന് നായര്, ആശാ ഭവനം, മിനി ജെയിംസ്, അബു കോട്ടവാതുക്കല്, ശ്രീകുമാര് ചെറിയത്ത്, സി.പി സുധീഷ്, സാബു പുതുക്കുളം, കേണല് പി.എ മാത്യു, മുരളി പെരുംമ്പട്ടേത്ത്, പ്രമോദ് ബി, അലക്സാണ്ടര് മാത്യു, ഗോപാലകൃഷ്ണന് നായര്, പ്രശാന്ത് താന്നിമൂട്ടില്, മനു മലയാലപ്പുഴ, ജെയിംസ് മുണ്ടക്കല് എന്നിവര് പ്രസംഗിച്ചു.
