തിരുവല്ല : മാർത്തോമ്മാ കോളേജ് സയൻസ് ഫോറത്തിന്റെയും ഐക്യു എസിയുടെയും ആഭിമുഖ്യത്തിൽ നടത്തപ്പെട്ട നോബൽ ക്വിസ്-ഇൻറർ സ്കൂൾ ക്വിസ് കോമ്പറ്റീഷനിൽ മാർത്തോമ റസിഡൻഷ്യൽ സ്കൂളിലെ ഡെറിക് ഷോൺ ജോർജ്, ഷെർവിൻ ചെറിയാൻ വർഗീസ് എന്നിവർ ജേതാക്കളായി. തിരുമൂലപുരം എസ് എൻ വി എസ് എച്ച് എസ് രണ്ടാം സ്ഥാനവും സി എം എസ് എച്ച്എസ്എസ് നെടുങ്ങാടപള്ളി മൂന്നാം സ്ഥാനവും കരസ്ഥമാക്കി. വിവിധ സ്കൂളുകളിൽ നിന്നായി 15 ടീമുകൾ മാറ്റുരച്ചു. നോബൽ ക്വിസിനോടൊപ്പം നോബൽ പ്രഭാഷണങ്ങളും നടത്തപ്പെട്ടു.
മാർത്തോമാ ഹയർ എജുക്കേഷൻ ബോർഡ് മെമ്പറും ബാംഗ്ലൂർ ക്രിസ്ത്യൻ കോളേജ് ചെയർമാനുമായ സുനീഷ് ജോസ് മുഖ്യാതിഥിയായിരുന്നു. പ്രിൻസിപ്പൽ ഡോ. മാത്യു വര്ക്കി ടി കെ, ഡോ. ജോസ്മിൻ പി ജോസ്, ഡോ. സോണിയ അന്ന സക്കറിയ, മനേഷ് ജേക്കബ്, കോളജ്ട്രഷറർ തോമസ് കോശി, ഡോ. റോഷൻ സാറ ഫിലിപ്പോസ്, എന്നിവർ പ്രസംഗിച്ചു. ആർ ഹരീഷ്, ഡോ. നോബിൾ പി എബ്രഹാം, ഡോ. സൂര്യ ഫിലിപ്പ്,ഡോ. ടീനാ റ്റി എലിസബത്ത്, ഡോ.കെ എം വിഷ്ണു നമ്പൂതിരി, അനൂപ് കോശി ജോർജ് എന്നിവർ നോബൽ പ്രഭാഷണങ്ങൾ നടത്തി.
