ന്യൂഡല്ഹി : കേന്ദ്രസർക്കാരിന്റെ വിമർശനങ്ങൾക്ക് ഒടുവിൽ ട്വിറ്ററും നോഡല് ഓഫീസറെ നിയമിച്ചു. കൊച്ചി സ്വദേശിയായ മലയാളി ഷാഹിന് കോമത്തിനെയാണ് ഇതിനായി ട്വിറ്റര് ചുമതല ഏല്പ്പിച്ചിരിക്കുന്നത്. രാജ്യത്തെ പുതുക്കിയ ഐ.ടി നയത്തിന്റെ ഭാഗമായിട്ടാണ് നിയമനം നടത്തിയിരിക്കുന്നത്. ദില്ലി ഹൈക്കോടതിയില് നല്കിയ സത്യവാങ്മൂലത്തിലാണ് ഷാഹിനെ നിയമിച്ച കാര്യം ട്വിറ്റര് അറിയിച്ചത്.
നോഡല് ഓഫീസറെ നിയമിക്കാത്തതിന് കേന്ദ്രസർക്കാരിന്റെ ഏറ്റവും കൂടുതൽ വിമർശങ്ങൾ കേട്ട സമൂഹമാധ്യമമാണ് ട്വിറ്റർ. ഒടുവിൽ സർക്കാരിനോട് മുട്ടുമടക്കുകയാണ് എന്നതിന് ഉത്തമ തെളിവ് ആണ് ഈ തീരുമാനം. സര്ക്കാര് ഉയര്ത്തുന്ന പ്രശ്നങ്ങള് പരിഹരിക്കാനും, ട്വിറ്ററിന് വേണ്ടി വിശദീകരണവും പരിഹാരവും നല്കുകയുമാണ് നോഡല് കോണ്ടാക്റ്റ് ഓഫീസറുടെ ദൗത്യം. നേരത്തെ ടിക്ടോക് ഉടമകളായ ബൈറ്റ് ഡാന്സിന്റെ നോഡല് ഓഫീസറായി പ്രവര്ത്തിച്ച വ്യക്തിയാണ് ഷാഹിന് കോമത്ത്. വോഡഫോണിലും പ്രവര്ത്തിച്ചിട്ടുണ്ട്.
