കണ്ണൂര് : അര്ജുന് ആയങ്കിയുടെ സുഹൃത്ത് റമീസ് മരിക്കാനിടയായ അപകടത്തില് കാര് ഓടിച്ചയാളും മരിച്ചു.
റമീസിന്റെ ബൈക്കിലിടിച്ച കാര് ഓടിച്ചിരുന്ന അശ്വിനാണ് മരിച്ചത്. ഇന്നലെ രക്തം ഛര്ദിച്ചതിനെത്തുടര്ന്നാണ് അശ്വിനെ ആശുപത്രിയിലെത്തിച്ചത്. മരണകാരണം ആന്തരിക രക്തസ്രാവമെന്ന് കണ്ണൂരിലെ ആശുപത്രി അധികൃതര്.
ജൂലൈ 22 വ്യാഴാഴ്ച്ച അര്ധരാത്രി അഴീക്കോട് മൂന്ന് നിരത്തുണ്ടായ വാഹനാപകടത്തില് ഗുരുതരമായി പരിക്കേറ്റ റമീസിനെ ആശുപത്രിയിലെത്തിച്ചെങ്കിലും വെള്ളിയാഴ്ച്ച പുലര്ച്ചയോട് കൂടിയാണ് മരണം സംഭവിച്ചത്. ഓടിക്കൊണ്ടിരിക്കുന്ന കാറില് റമീസിന്റെ ബൈക്ക് ഇടിക്കുകയായിരുന്നുവെന്നാണ് വിവരം. അപകടത്തില് റോഡില് തെറിച്ചു വീണ് തലക്ക് ഗുരുതരമായി പരിക്കേറ്റതായിരുന്നു റമീസിന്റെ മരണകാരണം.
