തിരുവല്ല : പോലീസ് നോക്കിനിൽക്കെ തിരുവല്ലയില്‍ 71 കാരനെ പഞ്ചായത്ത് പ്രസിഡന്റിന്റെ നേതൃത്വത്തിലുള്ള സി.പി.എം സംഘം വീട്ടിൽ കയറി വെട്ടിപ്പരിക്കേൽപ്പിച്ചു. വഴി തർക്കത്തെ തുടർന്നായിരുന്നു സി.പി.എം പ്രവർത്തകരുടെ നേതൃത്വത്തിൽ അക്രമം നടന്നത്. തൊങ്ങലിയിൽ രമണനാണ് വെട്ടേറ്റത്. ഇദ്ദേഹത്തിന്റെ വീടിന് നേരെയും ആക്രമണം ഉണ്ടായി.
കുറ്റൂർ പഞ്ചായത്ത് പ്രസിഡന്റ് കെ.ജി സഞ്ജുവും സംഘവുമാണ് വയോധികന് നേരെ ആക്രമണം നടത്തിയത്. വഴി തർക്കത്തെ തുടർന്നായിരുന്നു സി.പി.എം പ്രവർത്തകരുടെ അക്രമം. ജെസിബി ഉപയോഗിച്ച് ഇദ്ദേഹത്തിന്റെ വീടിന്റെ മതിൽ പൊളിച്ചു. പോലീസ് നോക്കിനിൽക്കെയാണ് മതിൽ പൊളിച്ചുനീക്കിയത്.
