റിയാദ്: പ്രവാസി മലയാളി കുഴഞ്ഞുവീണ് മരിച്ചു. ജോലിക്കിടെ ഹൃദയാഘാതമുണ്ടായ ഇദ്ദേഹം വിശ്രമിക്കാന് റൂമിലേക്ക് പോകുന്നതിനിടെ കുഴഞ്ഞുവീണ് മരിക്കുകയായിരുന്നു. സൗദി അറേബ്യയുടെ തെക്കുപടിഞ്ഞാറന് മേഖലയിലെ ജീസാന് സമീപം മഹബുജിലെ ഒരു സൂപ്പര്മാര്ക്കറ്റില് ജീവനക്കാരനായ മലപ്പുറം താനൂര് പനങ്ങാട്ടൂര് സ്വദേശി മുഹമ്മദ് ഹാജിയുടെയും ഖദീജയുടെയും മകന് നാസര് മെതുകയില് (48) ആണ് മരിച്ചത്.
സൂപ്പര്മാര്ക്കറ്റിലെ ജോലിക്കിടെ ശാരീരികമായ അസ്വാസ്ഥ്യം ഉണ്ടാകുകയും വിശ്രമിക്കാന് റൂമിലേക്ക് പോകുന്നതിനിടയില് കുഴഞ്ഞു വീഴുകയുമായിരുന്നു. ഉടന് തന്നെ ജീസാനിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഭാര്യ – ഫൗസിയ അണ്ടതോട്. മക്കള് – ഫുവാദ്, ഫാഹിം, നജാഹ്, റബാഹ്.
