ദുബായ് : മലയാളി യുവാവിനെ ദുബായിലെ നീന്തല് കുളത്തില് മരിച്ച നിലയില് കണ്ടെത്തി. ഇത് സംബന്ധിച്ച വിവരം നാട്ടിലെ ബന്ധുക്കള്ക്ക് ലഭിച്ചു. കാസര്കോട് ചെങ്കള സ്വദേശി അജീര് പാണൂസ് (41) ആണ് മരിച്ചത്. ശനിയാഴ്ച ഉച്ചയോടെ ആയിരുന്നു സംഭവം ഉണ്ടായത്. നീന്തല്ക്കുളത്തിലിറങ്ങിയപ്പോള് ഹൃദയാഘാതമുണ്ടായതാണ് മരണ കാരണം എന്ന് പറയുന്നു. മൃതദേഹം റാഷിദ് ആശുപത്രി മോര്ച്ചറിയിലേയ്ക്ക് മാറ്റി.
പരേതനായ മുഹമ്മദ് പാണൂസിന്റെയും ബീഫാത്തിമയുടെയും മകനാണ് അജീര് പാണൂസ് . ഭാര്യ: ഫര്സാന. മകള്: ഫില ഫാത്തിമ. അജീറിന്റെ സഹോദരന് ഹാരിസ് പാണൂസ് ഈ വര്ഷം ജനുവരിയില് ദുബായില് തന്നെ മരണപ്പെട്ടിരുന്നു. മറ്റു സഹോദരങ്ങള്: സാജിദ്, അബ്ദുല് റഹ്മാന്, സുഫൈര്.
