ന്യൂഡല്ഹി : ഡല്ഹിയിൽ ഒരു മലയാളി നഴ്സ് കൂടി കൊവിഡ് ബാധിച്ച് മരിച്ചു. ശിവാജി ആശുപത്രിയിലെ നഴ്സായിരുന്ന കോട്ടയം ഞീഴുർ സ്വദേശി രാജമ്മ മധുസൂദനൻ ആണ് മരിച്ചത്. എൽഎൻജെപി ആശുപത്രിയിൽ ഇന്ന് രാവിലെയായിരുന്നു മരണം.
കൊവിഡ് ബാധിച്ച് ഡല്ഹിയില് മരിക്കുന്ന രണ്ടാമത്തെ മലയാളി നഴ്നാണ് രാജമ്മ. നേരത്തെ സ്വകാര്യ ആശുപത്രിയായ കൽറയിലെ നഴ്സായിരുന്ന പത്തനംതിട്ട സ്വദേശി അംബക രോഗബാധിതയായി മരിച്ചിരുന്നു. അതേസമയം ഡല്ഹി രോഹിണി കോടതിയിലെ ഒരു ജഡ്ജിക്ക് കൊവിഡ് സ്ഥിരീകരിച്ചു. ജഡ്ജിയുടെ ഭാര്യക്ക് നേരത്തെ രോഗം സ്ഥിരീകരിച്ചിരുന്നു. ഇരുവരും ക്വാറന്റീനിൽ പ്രവേശിച്ചു.