ആലക്കോട് : വെള്ളാട് സ്വദേശിയായ നഴ്സിനെ സൗദിയിൽ ആശുപത്രിയിൽ മരിച്ചനിലയിൽ കണ്ടെത്തി. വെള്ളാട് മുക്കിടിക്കാട്ടിൽ ജോണിന്റെയും സെലിന്റെയും മകൾ ജോമി ജോൺ സെലിൻ (28) ആണ് മരിച്ചത്.
രണ്ടുമാസം മുമ്പ് നാട്ടിൽവന്ന് മടങ്ങിയതായിരുന്നു. അൽ ഖോബാറി സ്വകാര്യ ആശുപത്രിയിൽ ജോലിചെയ്തുവരികയാകുന്നു. ഓപ്പറേഷൻ തിയേറ്ററിന് സമീപം കുളിമുറിയിലാണ് മരിച്ചനിലയിൽ കാണപ്പെട്ടത്. ശരീരത്തിൽ പരിക്കുകളൊന്നും കാണാനില്ല.
ബുധനാഴ്ച മുതൽ സെലിനെ കാണാനില്ലായിരുന്നു. നടപടികൾ പൂർത്തിയാക്കി മൃതദേഹം നാട്ടിലെത്തിക്കാൻ ശ്രമിച്ചുവരുന്നു. മലയാളി സംഘടനാപ്രവർത്തകർ സഹായവുമായി പ്രവർത്തിക്കുന്നുണ്ട്.
