ജെറുസലേം : വിസ കാലാവധി തീർന്ന 82 മലയാളി നഴ്സുമാർ ഇസ്രായേലിൽ ദുരിതത്തിൽ. നാല് ഗർഭിണികൾ ഉൾപ്പെടെയുള്ളവരാണ് വിസ കലാവധി അവസാനിച്ചിട്ടും ലോക്ക്ഡൗണായതിനാല് നാട്ടിലേക്ക് മടങ്ങാനാകാതെ കുടുങ്ങിക്കിടക്കുന്നത്. വർക്കിംഗ് വിസ കാലാവധി തീർന്നതിനാൽ ഇൻഷുറൻസോ തൊഴിൽ ദാതാവ് നൽകേണ്ട അനുകൂല്യങ്ങളോ ഇവർക്ക് കിട്ടില്ല. വന്ദേ ഭാരത് മിഷന്റെ ഭാഗമായി ഇസ്രായേലിലേക്ക് വിമാനമില്ലാത്തതിനാൽ നാട്ടിലേക്ക് മടങ്ങാനുമാകില്ല. വിദേശത്ത് കുടുങ്ങിക്കിടക്കുന്നവരെ തിരികെയെത്തിക്കുന്ന വന്ദേ ഭാരത് മിഷന്റെ ഭാഗമായി തങ്ങളെയും നാട്ടിലേക്ക് എത്തിക്കാൻ നടപടി സ്വീകരിക്കണമെന്ന് കേന്ദ്ര സർക്കാരിനോട് ആവശ്യപ്പെട്ടിട്ടും യാതൊരു നടപടിയും ഉണ്ടായില്ല. പലരും വലിയ സാമ്പത്തിക ബുദ്ധിമുട്ടിലാണെന്നും കുടുങ്ങിക്കിടക്കുന്നവർ പറഞ്ഞു. നാട്ടിലേക്ക് എത്തിക്കാൻ കേന്ദ്ര സർക്കാർ അടിയന്തരമായി ഇടപെടണമെന്നും ഇവർ ആവശ്യപ്പെട്ടു.
ഗർഭിണികളുൾപ്പെടെ 82 മലയാളി നഴ്സുമാർ ഇസ്രായേലിൽ കുടുങ്ങിക്കിടക്കുന്നു ; ആരും തിരിഞ്ഞുനോക്കുന്നില്ല
RECENT NEWS
Advertisment