ദോഹ : ഖത്വറില് വാഹനാപകടത്തില് പ്രവാസി മലയാളി യുവാവ് മരിച്ചു. കോഴിക്കോട് വടകര വൈക്കിലശേരി സ്വദേശി ഖാലിദ് ചേറോട് (38) ആണ് മരിച്ചത്. ബൈകില് ജോലി സ്ഥലത്തേക്ക് പോകുപോള് മറ്റൊരു വാഹനം ഇടിച്ചുണ്ടായ അപകടത്തിലായിരുന്നു അന്ത്യം. ഗുരുതരമായി പരിക്കേറ്റിരുന്നതിനാല് സംഭവസ്ഥലത്തുവച്ച് തന്നെ മരിച്ചു. 13 വര്ഷമായി ഖത്വറില് ജോലി ചെയ്തു വരികയായിരുന്നു.
ഖത്വറിലെ ജീവകാരുണ്യ രംഗത്ത് സജീവമായിരുന്ന ഖാലിദ്. ഖത്വര് കെ.എം.സി.സി യുടെ സജീവ പ്രവര്ത്തകനുമായിരുന്നു. ഭാര്യയും രണ്ട് മക്കളുമുണ്ട്. തുടര് നടപടികള് പൂര്ത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ഖത്വര് കെ.എം.സി.സി ഭാരവാഹികള് അറിയിച്ചു.
