തിരുവനന്തപുരം : കൂട്ടക്കോപ്പിയടി കാരണം റദ്ദാക്കിയ സാങ്കേതിക സര്വ്വകലാശാലയിലെ ബിടെക് പരീക്ഷ നവംബര് അഞ്ചിന് നടത്തും. വാട്സ് ആപ്പ് ഗ്രൂപ്പ് വഴിയുള്ള വിദ്യാര്ത്ഥികളുടെ കൂട്ടക്കോപ്പിയടി കണ്ടെത്തിയതിനെ തുടര്ന്ന് ബിടെക് മൂന്നാം സെമസ്റ്റര് കണക്ക് സപ്ലിമെന്ററി പരീക്ഷയാണ് റദ്ദാക്കിയിരുന്നത്.
കോപ്പിയടി ശ്രദ്ധയില്പ്പെട്ടതോടെ സിന്ഡിക്കേറ്റ് ഉപസമിതിയാണ് പരീക്ഷ റദ്ദാക്കാന് തീരുമാനമെടുത്തത്. അഞ്ച് കോളജുകളില് ക്രമക്കേട് നടന്നുവെന്നായിരുന്നു കണ്ടെത്തല്. നിരവധി വിദ്യാര്ത്ഥികളില് നിന്ന് മൊബൈല് ഫോണടക്കമുള്ള കാര്യങ്ങള് പിടിച്ചെടുത്തിരുന്നു. കൊവിഡ് പ്രോട്ടോക്കോള് കണക്കിലെടുത്ത് ഇന്വിജിലേറ്റര്മാര് ശാരീരിക അകലം പാലിച്ചത് മുതലെടുത്തായിരുന്നു കോപ്പിയടി.
മുന്പ് റദ്ദാക്കിയ മൂന്നാം സെമസ്റ്റര് സപ്ലിമെന്ററി പരീക്ഷയാണ് ഇന്നലെ നടന്നത്. ഈ പരീക്ഷയിലാണ് അഞ്ച് വിവിധ ജില്ലകളിലായി കൂട്ടകോപ്പിയടി നടന്നത്. പരീക്ഷ റദ്ദ് ചെയ്യുന്നതിനായി പരീക്ഷ കട്രോളര് വിസിയ്ക്ക് റിപ്പോര്ട്ട് നല്കിയതിന്റെ അടിസ്ഥാനത്തിലാണ് നടപടി. കോപ്പിയടി സംബന്ധിച്ച് സാങ്കേതിക സര്വ്വകലാശാല സൈബര് സെല്ലില് പരതി നല്കാനും തീരുമാനിച്ചിട്ടിട്ടുണ്ട്.
