പട്ന: ബീഹാറില് നടക്കാന് പോകുന്ന നിയമസഭ തെരഞ്ഞെടുപ്പില് ജനതാദള് രാഷ്ട്രവാദി പാര്ട്ടി സ്ഥാനാര്ത്ഥിയായി ജനവിധി തേടുന്ന ശ്രീനാരായണ് സിങ് വെടിയേറ്റ് മരിച്ചു.
ഷിയോഹര് ജില്ലയിലെ ഹാത്സര് ഗ്രാമത്തില് ശനിയാഴ്ചയാണ് സംഭവം. തെരഞ്ഞെടുപ്പ് പ്രചാരണങ്ങള്ക്കിടെയാണ് കൊലപാതകം. സംഭവവുമായി ബന്ധപ്പെട്ട് രണ്ട് പേര് പിടിയിലായിട്ടുണ്ട്.
ആറ് പേര് അടങ്ങുന്ന സംഘമാണ് കൃത്യം നിര്വ്വഹിച്ചതെന്ന് പോലീസ് സൂചന നല്കി. മറ്റ് പ്രതികളെ പിടികൂടുന്നതിനായി അന്വേഷണം പുരോഗമിക്കുകയാണെന്ന് പൂര്ണാഹിയ സബ് ഡിവിഷനല് പോലീസ് ഓഫീസര് രാകേഷ് കുമാര് പറഞ്ഞു. വെടിയേറ്റ ശ്രീനാരായണ് സിങ്ങിന്റെ ഏതാനും അനുയായികളെ ആശുപത്രിയില് പ്രവേശിപ്പിച്ചു.
