മലയാളത്തിന്‍റെ മഹാനടൻ മമ്മൂട്ടിയുടെ സൗന്ദര്യം മലയാളികൾക്കിടയിൽ എന്നും വലിയ ചർച്ചയാണ്. പ്രായം കൂടുതോറും സൗന്ദര്യവും കൂടിവരുന്ന അത്ഭുത പ്രതിഭാസമായാണ് ആരാധകർ മമ്മൂട്ടിയെ വിശേഷിപ്പിക്കാറുള്ളത്. 71-ാം വയസ്സിലും മലയാളത്തിന്‍റെ ഫാഷൻ ഐക്കനാണ് താരം. സ്റ്റൈലിന്‍റെ കാര്യത്തിൽ യുവനടന്മാരെ പോലും വെല്ലുന്ന മമ്മൂട്ടിയുടെ ചിത്രങ്ങളെല്ലാം സോഷ്യൽ മീഡിയയിൽ തരംഗം തീർക്കാറുണ്ട്. ഈ സൗന്ദര്യ രഹസ്യം എന്താണെന്ന ചോദ്യം കാലാകാലങ്ങളായി മെഗാസ്റ്റാറിന് കേൾക്കേണ്ടി വരാറുണ്ട്. ഇപ്പോഴിതാ തന്‍റെ മുടിയെക്കുറിച്ച് മമ്മൂട്ടി പറഞ്ഞ ഒരു ‘രഹസ്യമാണ്’ ആരാധകർക്കിടയിൽ ശ്രദ്ധനേടുന്നത്. തന്‍റെ മുടിയൊക്കെ നരച്ചതാണെന്നും ഡൈ ചെയ്തിരിക്കുകയാണെന്നുമാണ് മമ്മൂട്ടി പറഞ്ഞത്. അവാര്‍ഡ് ഷോയിലായിരുന്നു മമ്മൂട്ടിയുടെ തമാശകലര്‍ന്ന വെളിപ്പെടുത്തില്‍. നടൻ വിജയരാഘവന് അവാര്‍ഡ് സമ്മാനിക്കുന്നതിനിടയിലായിരുന്നു മമ്മൂട്ടിയുടെ തമാശ.
പൂക്കാലം എന്ന ചിത്രത്തിലൂടെ മികച്ച സഹനടനുള്ള അവാര്‍ഡ് വിജയരാഘവൻ നേടിയിരുന്നു. അവാർഡ് സമ്മാനിക്കവെ പൂക്കാലത്തില്‍ മൊട്ടയടിച്ച വിജയരാഘവൻ ഇപ്പോള്‍ വന്നത് നരച്ച മുടിയായിട്ടാണ് എന്ന് മമ്മൂട്ടി ചൂണ്ടിക്കാട്ടി. മൊട്ടയടിച്ച് കുറേ പണം നേടി. ഇനി നരച്ച മുടികൊണ്ടും പണം സ്വന്തമാക്കും വിജയരാഘവൻ എന്നും മമ്മൂട്ടി പറഞ്ഞു. ഇല്ല ഡൈ ചെയ്യാൻ പോകുകയാണ് താൻ, അല്ലെങ്കില്‍ വൃദ്ധ വേഷങ്ങളേ ലഭിക്കൂ എന്നായിരുന്നു വിജയരാഘവന്‍റെ മറുപടി. അപ്പോഴാണ് എന്‍റെയൊക്കെ മുടി നരച്ചതാ, ഡൈയടിച്ചതാണെന്ന് മമ്മൂട്ടി പറഞ്ഞത്. രഹസ്യങ്ങള്‍ എല്ലാവരും അറിയട്ടേയെന്നും തമാശയോടെ താരം പറഞ്ഞു. ചെറുപ്രായത്തില്‍ വൃദ്ധ കഥാപാത്രത്തെ മികച്ച രീതിയില്‍ വിജയരാഘവൻ അവതരിപ്പിച്ചിട്ടുണ്ട് എന്നും മമ്മൂട്ടി അഭിനന്ദിച്ചു. നെടുമുടി വേണുവൊക്കെ അങ്ങനെ മുൻപ് ചെയ്തിട്ടുണ്ട്. വിജയരാഘവനാണ് ഇത്രയും പ്രായമായി അഭിനയിക്കുന്നത്. തനിക്ക് അടുത്ത സൗഹൃദവുമുണ്ട് വിജയരാഘവനുമായി. വിജയരാഘവൻ എന്‍റെ മകനായും അഭിനയിച്ചിട്ടുണ്ട്. ഡാനി എന്ന ചിത്രത്തില്‍ അത്തരം ഒരു കഥാപാത്രമായിരുന്നു എന്ന് മമ്മൂട്ടി വ്യക്തമാക്കി. തെറ്റിദ്ധരിക്കപ്പെടുന്ന ഒരു കഥാപാത്രമായിരുന്നു ആ ചിത്രത്തില്‍ എന്ന് വിജയരാഘവൻ ഓര്‍മിക്കുകയും ചെയ്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – ptamedianews@gmail.com
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – sales@eastindiabroadcasting.com
———————-
ചീഫ് എഡിറ്റര്‍ – 94473 66263, 85471 98263, 0468 2333033
