പുതിയ ചിത്രത്തിന്റെ ടൈറ്റില് പോസ്റ്റര് പുറത്തുവിട്ട് മമ്മൂട്ടി. നവാഗതനായ ഡീനൊ ഡെന്നിസ് രചനയും സംവിധാനവും നിര്വ്വഹിക്കുന്ന ചിത്രത്തിന്റെ പേര് ബസൂക്ക എന്നാണ്. മമ്മൂട്ടിക്കൊപ്പം ഗൗതം വാസുദേവ് മേനോനും ചിത്രത്തില് പ്രധാന വേഷത്തിലെത്തുന്നുണ്ട്. തിയേറ്റര് ഓഫ് ഡ്രീംസ്, സരിഗമയും ചേര്ന്നാണ് ചിത്രം നിര്മിക്കുന്നത്. മമ്മൂട്ടിയുടെ പുതിയ ഗ്യാങ്സ്റ്റര് മൂവിയായിരിക്കും ഇതെന്നാണ് പ്രതീക്ഷിക്കുന്നത്. തോക്കിന് മുനയില് നില്ക്കുന്ന മമ്മൂട്ടിയുടെ നായക കഥാപാത്രത്തെ ചിത്രീകരിച്ചിരിക്കുന്നതാണ് ടൈറ്റില് ലുക്ക് പോസ്റ്റര്.
ചിത്രത്തിന്റെ ഷൂട്ടിങ് ഉടന് ആരംഭിക്കും. മിഥുന് മുകുന്ദനാണ് ബസൂക്കയ്ക്കു വേണ്ടി സംഗീത സംവിധാനം നിര്വഹിക്കുന്നത്. ജയറാം, ആസിഫ് അലി, ആന്റണി വര്ഗീസ് എന്നിവര് ചിത്രത്തിന്റെ ഭാഗമാകും എന്നും റിപ്പോര്ട്ടുകളുണ്ട്. നിമിഷ് രവിയാണ് ഛായാഗ്രാഹകന്, സഹനിര്മ്മാണം സഹില് ശര്മ്മ.
