കോട്ടയം : പെണ്കുട്ടിയോട് അപമര്യാദയായി പെരുമാറിയ മധ്യവയ്സകന് പോലീസ് പിടിയില്. പുതുപ്പള്ളി ഇരവിനെല്ലൂര് തടത്തില് ഭാസ്കരനാ (59)ണു പിടിയിലായത്. ശനിയാഴ്ച്ച വൈകുന്നേരമായിരുന്നു കേസിനാസ്പദമായ സംഭവം. കട നടത്തുന്ന പിതാവിന് ഉച്ചഭക്ഷണം നല്കിയ ശേഷം വീട്ടിലേക്ക് മടങ്ങവേ റോഡരികില് പച്ചക്കറി വില്പ്പന നടത്തുന്ന ഭാസ്കരന് 19 കാരിയായ പെണ്കുട്ടിയെ കടയിലേക്ക് വിളിച്ചുകയറ്റിയ ശേഷം അപമര്യാദയോടെ പെരുമാറുകയായിരുന്നു. പെണ്കുട്ടിയും പിതാവും ഈസ്റ്റ് പോലീസില് നല്കിയ പരാതിയെത്തുടര്ന്ന് ഈസ്റ്റ് എസ്ഐയുടെ നേതൃത്വത്തില് പ്രതിയെ പിടികൂടുകയായിരുന്നു. ഇയാള്ക്കെതിരേ സമാന കേസില് മുന്പും പരാതികളുണ്ടെന്ന് പോലീസ് പറഞ്ഞു.
