വാഷിങ്ടണ്: ഡേറ്റിംഗ് ആപ്പ് വഴി തട്ടിപ്പ് നടത്തിയ 69 വയസുകാരന് അറസ്റ്റില്. 69 വയസുകാരനായ അമേരിക്കന് പൗരന് നെല്സണ് കോണ് ആണ് പിടിയിലായത്. ഡേറ്റിംഗ് ആപ്പില് നിന്ന് പരിചയപ്പെട്ടവരില് നിന്ന് 1.8 മില്ല്യണ് രൂപയാണ് ഇയാള് തട്ടിയെടുത്തത്. 2000 മുതലാണ് ഇയാള് തട്ടിപ്പ് നടത്തി വന്നത്. ക്യാന്സര് രോഗി, ആര്ട്ട് ഡീലര്, വാര് ഹീറോ തുടങ്ങി വിവിധ തരത്തിലാണ് ഇയാള് ആളുകളെ പറ്റിച്ചിരുന്നത്. മാര്ച്ച് 13 നാണ് ഇയാളെ പോലീസ് അറസ്റ്റ് ചെയ്തത്.
നെല്സണ് കോണിന്റെ തട്ടിപ്പിനിരയായ പലരും ഇപ്പോള് ഇക്കാര്യം തുറന്നുപറയുന്നുണ്ട്. ഇയാളുടെ തട്ടിപ്പിനിരയായ ക്രിസ്റ്റി എന്ന 64കാരിയെ വിയറ്റ്നാം യുദ്ധത്തിലെ സേവനത്തിന് സ്വര്ണമെഡല് ലഭിച്ചെന്നുപറഞ്ഞാണ് പറ്റിച്ചത്. തുടര്ന്ന് നിക്ഷേപ പദ്ധതികളെന്ന പേരില് പലപ്പോഴായി ഇയാള് സ്ത്രീയെ പറ്റിച്ച് പണം വാങ്ങുകയായിരുന്നു. എന്നാല് പിടിയിലായ നെല്സണ് കോണ് അദ്ദേഹത്തിനെതിരായ ആരോപണങ്ങള് നിഷേധിച്ചു.
