മാർത്താണ്ഡം : സർക്കാർ മദ്യശാലയിൽ വ്യാജനോട്ട് മാറ്റാൻ ശ്രമിച്ചയാളെ പോലീസ് അറസ്റ്റു ചെയ്തു. കരുങ്കൽ തൊലയാവട്ടം സ്വദേശി രാംകി (22)യാണ് അറസ്റ്റിലായത്. മാർത്താണ്ഡം ബസ് സ്റ്റാൻഡിനു സമീപത്തുള്ള സർക്കാർ മദ്യശാലയിൽ 200 രൂപയുടെ വ്യാജ നോട്ട് നൽകി മദ്യം വാങ്ങാൻ ശ്രമിച്ചപ്പോഴാണ് രാംകി പോലീസ് പിടിയിലായത്. നോട്ട് വ്യാജമാണെന്ന് തിരിച്ചറിഞ്ഞ മദ്യശാലയിലെ ജീവനക്കാർ വിവരം നൽകിയതിനെത്തുടർന്നാണ് പോലീസ് എത്തി ഇയാളെ പിടികൂടിയത്. 200 രൂപയുടെ 10 നോട്ടുകളാണ് പിടിച്ചെടുത്തത്. സംഭവവുമായി ബന്ധപ്പെട്ട് രണ്ടു പേരെ പോലീസ് തിരയുന്നുണ്ട്.
