മലപ്പുറം: അത്ഭുതസിദ്ധിയിലൂടെ രോഗം മാറ്റിതരാമെന്ന് പറഞ്ഞ് വളാഞ്ചേരിയില് പ്രായപൂര്ത്തിയാവാത്ത കുട്ടിയെ പീഡിപ്പിച്ച വ്യാജ സിദ്ധന് അറസ്റ്റില്. താനൂര് ഒട്ടുപുറം സ്വദേശി മുഹമ്മദ് റാഫി ആണ് അറസ്റ്റിലായത്. അത്ഭുതസിദ്ധികളിലൂടെ കുട്ടിയുടെ രോഗം മാറ്റിതരാമെന്ന് പറഞ്ഞ് പിതാവിനെ ബന്ധപ്പെടുകയും കുട്ടിയെ പീഡിപ്പിക്കുകയായിരുന്നു.
കുട്ടിയെ പരാതിക്കാരന്റെ വളാഞ്ചേരിയിലെ വീട്ടിലെത്തിച്ച് പീഡിപ്പിക്കുകയായിരുന്നു. പ്രതി പൂജാകര്മ്മങ്ങള്ക്കായി ഒരു ലക്ഷത്തിലധികം രൂപ പലതവണയായി ഇവരില് നിന്ന് വാങ്ങുകയും ചെയ്തു. കുട്ടിയുടെ അസ്വാഭാവിക പെരുമാറ്റത്തില് സംശയം തോന്നിയ വീട്ടുകാര് കാര്യങ്ങള് ചോദിച്ചറിഞ്ഞ് പോലീസില് പരാതി നല്കുകയായിരുന്നു. പരാതിയുടെ അടിസ്ഥാനത്തില് ഇയാളെ വളാഞ്ചേരി പോലീസ് പോക്സോ കേസില് അറസ്റ്റ് ചെയ്യുകയായിരുന്നു.
