കല്പ്പറ്റ : ഉണക്കാനിട്ട കാപ്പിക്കുരു പശുതിന്നെന്ന് ആരോപിച്ച് ക്ഷീരകര്ഷകന് ക്രൂരമര്ദനം. കല്പ്പറ്റ പെരുന്തട്ട സ്വദേശി വിജയനാണ് മര്ദനമേറ്റത്. സംഭവത്തില് ഓടത്തോട് സ്വദേശി റസാഖിനെ മേപ്പാടി പോലീസ് അറസ്റ്റ് ചെയ്തു. വധശ്രമം അടക്കമുള്ള വകുപ്പുകള് ചേര്ത്താണ് പ്രതിക്കെതിരെ കേസെടുത്തിരിക്കുന്നത്. ഇന്നലെ വൈകീട്ടാണ് പശുവിനെ മേയ്ക്കാനായി വിജയന് ഓടത്തോട് പോയത്. മേച്ചുകഴിഞ്ഞ് വീട്ടിലേക്ക് തിരിച്ചെത്തിയെങ്കിലും റസാഖ് വിളിച്ചുവരുത്തി ഇരുമ്പുവടികൊണ്ട് മര്ദിക്കുകയായിരുന്നു. എന്നാല് തന്റെ പശു കാപ്പിക്കുരു തിന്നിട്ടില്ലെന്നാണ് വിജയന് പറയുന്നത്.
സംഭവത്തിനുപിന്നാലെ ആശുപത്രിയില് പ്രവേശിപ്പിച്ച വിജയന്റെ ശരീരമാസകലം മര്ദനമേറ്റ പാടുകളുണ്ട്. അറസ്റ്റിലായ റസാഖ് കുറ്റം സമ്മതിക്കുകയും ചെയ്തു. പ്രതിക്ക് വിജയനോട് മുന്വൈരാഗ്യമില്ലെന്നാണ് പോലീസിന്റെ വിശദീകരണം. മര്ദനത്തിന്റെ യഥാര്ഥ കാരണം വിശദമായ ചോദ്യം ചെയ്യലിനു ശേഷമെ വ്യക്തമാവുകയുള്ളൂവെന്നും പോലീസ് പറയുന്നു.
