കോട്ട: മാമ്പഴം പറിച്ചെന്നാരോപിച്ച് രാജസ്ഥാനില് യുവാവിനെ അയല്വാസിയും കൂട്ടുകാരും ചേര്ന്ന് ക്രൂരമായി തല്ലിക്കൊന്നു. അനുമതിയില്ലാതെ മാമ്പഴം പറിച്ചെന്നാരോപിച്ച് കോട്ട ജില്ലയിലെ സാങ്കോടാണ് കൊലപാതകം നടന്നത്. സൂരജ് കരണ് മീണ എന്ന 36 കാരനാണ് ചികിത്സയിലിരിക്കെ മരണത്തിന് കീഴടങ്ങിയത്. കഴിഞ്ഞ വ്യാഴാഴ്ചയാണ് സംഭവം. സംഭവത്തില് ഇയാളുടെ അയല്വാസിയായ മഹാവീര് അടക്കം നാല് പേര്ക്കെതിരെ പോലീസ് കൊലക്കുറ്റം ചുമത്തി കേസെടുത്തു.
മഹാവീര് വടികൊണ്ട് സൂരജിന്റെ തലയ്ക്കടിച്ചതാണ് മരണമകാരണമെന്നാണ് ദൃക്സാക്ഷികള് ആരോപിച്ചു. കോട്ട ജില്ലയിലെ വിനോദ് കലാന് ഗ്രാമത്തില് താമസിക്കുന്ന സൂരജ് കരണ് മീണ നന്ദലാല് ബൈര്വ എന്നായളുടെ ഉടമസ്ഥതയിലുള്ള വയലിലെ മാവില് നിന്നും മാങ്ങ പറിക്കാന് ശ്രമിച്ചതോടെയാണ് പ്രശ്നങ്ങളുടെ തുടക്കം. അടിയേറ്റ സൂരജിനെ സംഘം ബൈക്കിലിരുത്തി മറ്റൊരു സ്ഥലത്തെത്തിച്ചും ക്രൂരമായി മര്ദ്ദിച്ചു. ഒടുവില് അവശനായ ഇയാളെ ഉപേക്ഷിച്ച് സ്ഥലം വിട്ടു. നാട്ടുകാര് വിവരമറിയിച്ചതിനെ തുടര്ന്ന് പോലീസ് സ്ഥലത്തെത്തി സൂരജ് കരണ് മീണയെ ആശുപത്രിയിലേക്ക് മാറ്റുകയായിരുന്നു.
