കോഴിക്കോട് : ഭക്ഷണമില്ലാതെ സൂര്യനില്നിന്ന് ഊര്ജം സ്വീകരിച്ച് വര്ഷങ്ങള് ജീവിക്കാമെന്ന് തെളിയിച്ച ഹീര രത്തന് മനേക് (85) അന്തരിച്ചു. സ്വകാര്യ ആശുപത്രിയില് ചികിത്സയിലിരിക്കെ ഇന്നലെ വൈകിട്ടാണ് അന്ത്യം. സൗരോര്ജത്തിന്റെ പ്രചാരകനായി സ്വന്തംശരീരം പരീക്ഷണശാലയാക്കിയ ഇദ്ദേഹം ‘ഹീരാ രത്തന് മനേക് പ്രതിഭാസ’ ത്തിന്റെ ഉപജ്ഞാതാവാണ്. 1937ല് ഗുജറാത്തില് ജനിച്ച ഹീര രത്തന്റെ കുടുംബം കച്ചവടത്തിനായി കോഴിക്കോട്ടെത്തി വികാസ് നഗര് കോളനിയില് താമസമാക്കുകയായിരുന്നു. പോണ്ടിച്ചേരിയിലെ അരബിന്ദോ ആശ്രമത്തില്നിന്നാണ് സൂര്യോപാസനയെക്കുറിച്ച് അറിഞ്ഞത്.
1992 ല് അദ്ദേഹം സൂര്യോപാസന തുടങ്ങി.1995ല് തുടര്ച്ചയായി 211 ദിവസം കോഴിക്കോട്ട് ഉപവാസം അനുഷ്ഠിച്ചു. അഹമദാബാദില് വച്ച് 2001 ജനുവരി മുതല് 411 ദിവസം തുടര്ച്ചയായി ഭക്ഷണമുപേക്ഷിച്ച് ഉപവാസമനുഷ്ഠിച്ച് ഗിന്നസ് ബുക്കില് ഇടംനേടിയിട്ടുണ്ട്. നാസ ഇദ്ദേഹത്തെ ക്ഷണിച്ച് പഠനം നടത്തുകയും ബഹിരാകാശയാത്രികര്ക്ക് ക്ലാസെടുപ്പിക്കുകയും ചെയ്തിട്ടുണ്ട്. സൂര്യരശ്മി മനുഷ്യന് നേരിട്ട് സ്വീകരിച്ച് ഭക്ഷണം കൂടാതെ കഴിയാം എന്നാണ് ഹീരാ രത്തന് തെളിയിച്ചത്. മസ്തിഷ്കത്തെ സൗരോര്ജം ഉപയോഗിച്ച് ചാര്ജ് ചെയ്യുന്നതിനെക്കുറിച്ച് ‘ബ്രെയിന്യൂട്ടര്’ എന്ന പുസ്തകം രചിച്ചിട്ടുണ്ട്. വിമല ബെന് ആണ് ഭാര്യ, മക്കള് : ഹിതേഷ്, നമ്രത, പരേതനായ ഗിതെന്. മരുമക്കള് ഹീന, മയൂര്ത്ത മൂത്ത.
