കോട്ടയം : കോട്ടയം നഗരത്തില് മണിക്കൂറുകളോളം അഴിഞ്ഞാടി അക്രമി അന്യസംസ്ഥാന തൊഴിലാളിയുട തലതല്ലിപ്പൊളിച്ചു. വഴിപോക്കരെയും പോലീസിനെയും ആക്രമിച്ച് ഏറെ നേരം പരിഭ്രാന്തി പരത്തി.
തിരുനക്കര ക്ഷേത്രത്തിന് സമീപം ഷെഡ് കെട്ടികഴിയുന്ന ബാബു എന്ന ആളാണ് നഗരത്തില് അഴിഞ്ഞാടിയത്. ഇയാളും ഇയാളുടെ ഒപ്പം ഉണ്ടായിരുന്ന സ്ത്രീയും ഒരുമിച്ച് മദ്യപിച്ചതിന് ശേഷം ഇയാള് ഒപ്പമുണ്ടായിരുന്ന സ്ത്രീയെ വാക്കത്തിയ്ക്ക് വെട്ടാനൊരുങ്ങിയത് കണ്ടപ്പോള് നാട്ടുകാര് ബഹളം വെച്ചു.
സംഭവ സ്ഥലത്തുണ്ടായിരുന്ന അന്യസംസ്ഥാന തൊഴിലാളിയുടെ തല ഇയാള് ആസ്ബസ്റ്റോസ് ഷീറ്റ് ഉപയോഗിച്ച് അടിച്ചു പൊട്ടിച്ചു. അന്യ സംസ്ഥാന തൊഴിലാളിയായ യുവാവിനെ കോട്ടയം മെഡിക്കല് കോളേജില് പ്രവേശിപ്പിച്ചു. പോലീസിന്റെ കണ്മുന്നിലായിരുന്നു അക്രമം. ബലം പ്രയോഗിച്ചാണ് അക്രമിയെ കീഴടക്കിയത്. തടയാനെത്തിയവര്ക്കുനേരെയും പ്രതി വെട്ടുകത്തി വീശി.
മുക്കാല് മണിക്കൂറോളമാണ് യാത്രക്കാരെയും നാട്ടുകാരെയും പ്രതി മുള്മുനയില് നിര്ത്തിയത്. പോലീസില് അറിയിച്ചിട്ടും മണിക്കൂറുകള്ക്ക് ശേഷം ആണ് പോലീസ് എത്തിയതെന്ന് നാട്ടുകാര് ആരോപിക്കുന്നു. ഉച്ചയ്ക്ക് ഒരുമണിയോടു കൂടിയായിരുന്നു അക്രമം അരങ്ങേറിയത്. പിന്നീട് നാട്ടുകാരും പോലീസുo ചേര്ന്ന് ഇയാളെ കീഴ്പ്പെടുത്തുകയായിരുന്നു.
