കോഴിക്കോട്: പുറമേരിയില് യുവാവിനെ സുഹൃത്തിന്റെ വീട്ടിലെ കിണറ്റില് മരിച്ച നിലയില് കണ്ടെത്തി. പുറമേരി പഞ്ചായത്ത് രണ്ടാം വാര്ഡിലെ കക്കം വെള്ളി രയരോത്ത് നീലിമ നിവാസില് ബാബുവിന്റെ മകന് സിദ്ദാര്ഥ് ബാബു(31) നെയാണ് കിണറ്റില് മരിച്ച നിലയില് കണ്ടെത്തിയത്. രണ്ട് ദിവസം മുമ്പ് കാണാതായ സിദ്ദാര്ഥിനെ ബന്ധുക്കളും, നാട്ടുകാരും അന്വേഷിച്ചെങ്കിലും കണ്ടെത്താനായില്ല. ഇന്ന് വൈകുന്നേരം നാല് മണിയോടെയാണ് സിദ്ധാര്ഥിന്റെ വീട്ടില് നിന്ന് അഞ്ഞൂറ് മീറ്റര് അകലെയുള്ള സുഹൃത്തിന്റെ വീട്ടിലെ കിണറ്റില് മൃതദേഹം കണ്ടെത്തിയത്.
വീട്ടുകാര് വെള്ളം വലിക്കുന്നതിനിടെയാണ് കിണറ്റില് മൃതദേഹം കാണപ്പെടുന്നത്. വിവരം അറിഞ്ഞ് നാട്ടുകാരെത്തി പോലീസിലും, ഫയര് ഫോഴ്സിലും അറിയിച്ചു. ഇതേ തുടര്ന്ന് നാദാപുരം സി ഐ ഇ വി ഫായിസ് അലിയുടെ നേതൃത്വത്തില് പോലീസും, ഫയര്ഫോഴ്സും സ്ഥലത്തെത്തി. ഫയര് ഫോഴ്സ് കിണലിറങ്ങി മൃതദേഹം പുറത്തെടുത്തു. സംഭവത്തില് നാദാപുരം പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
